| e-texts navigator |
| Wylie |
194a1 ནས་གཅལ་དུ་བཀྲམ་བཞིན་པས་མངོན་པར་བྲིའོ། ། བཅོམ་ལྡན་འདས་ཤཱཀྱ་ཐུབ་པའི་གཡོན་གྱི་གཞོགས་སུ་འཕགས་པ་འཇམ་དཔལ་གང་ཡིན་པའི་སྟེང་དུ་རིན་པོ་ཆེ་དུ་མས་སྤྲས་པའི
194a2 ཤིན་ཏུ་རིང་པོའི་རྣམ་པའི་གཞལ་མེད་ཀྱི་དཀྱིལ་འཁོར་རོ། ། བྲག་རིའི་རྒྱལ་པོ་ཉེ་བར་མཛེས་པ་རིན་པོ་ཆེའི་རྡོ་ལེབ་ཀྱིས་བཀབ་པ་རི་བོའི་རྣམ་པ་ལྟ་བུར་མངོན་པར་བྲི་བར་བྱའོ།། དེར་གནས་པའི་སངས་རྒྱས་བཅོམ་ལྡན
194a3 འདས་བརྒྱད་མངོན་པར་བྲི་བར་བྱ་བ་ལ་འདི་ལྟ་སྟེ། རིན་ཆེན་གཙུག་ཏོར་ཅན་རིན་པོ་ཆེ་བཻ་ཌཱུཪྻའི་འོད་རྣམ་པར་འཕྲོ་བ། ཀུན་ནས་འོད་འདོམ་གང་བ། པདྨ་རཱ་ག་དང་། ཨིནྡྲ་ནཱི་ལ་དང་། མ་ར་ཀ་སྠ་ལ་སོགས་པ་དང་།
194a4 བཻ་ཌཱུཪྻ་དང་། རྡོའི་སྙིང་པོ་ལ་སོགས་པ་ནོར་བུ་རིན་པོ་ཆེ་ཆེན་པོ་ཁྱད་པར་ཅན་རྣམས་ཀྱིས་ཀུན་ནས་རབ་ཏུ་འབར་བཞིན་པ། ཅུང་ཟད་ཉི་མ་འཆར་ཀའི་མདོག་འདྲ་བ། དེ་བཞིན་གཤེགས་པའི་སྐུ་ཆོས་གོས་སེར
194a5 པོའི་སྟོད་གཡོགས་མནབས་པ། སྐྱིལ་མོ་ཀྲུང་གིས་བཞུགས་པ། ཆོས་སྟོན་པར་མཛད་བཞིན་པ། ཤམ་ཐབས་སེར་པོ་མནབས་པ། སྐུ་ལ་སྐྱེས་བུ་ཆེན་པོའི་མཚན་གྱི་གོ་ཆ་བགོས་པ། དཔེ་བྱད་བཟང
194a6 པོ་བརྒྱད་ཅུས་ཉེ་བར་མཛེས་པའི་སྒྲ། རབ་ཏུ་ཞི་བའི་གཟིགས་སྟངས་ཅན། རྣམ་པ་ཐམས་ཅད་ཀྱི་མཆོག་དང་ལྡན་པའི་དེ་བཞིན་གཤེགས་པ་རིན་ཆེན་གཙུ་ཏོར་ཅན་མངོན་པར་བྲིའོ།། གཉིས་པ་ལ་དེ་བཞིན་གཤེགས
194a7 པ་མེ་ཏོག་ཡང་དག་པར་སྐྱེས་པའི་རྒྱལ་པོའི་དབང་པོ་གསེར་གྱི་མདོག་ཏུ་མངོན་པར་བྲི་བར་བྱའོ། ། ན་ག་གེ་སར་ཆེས་བཟང་བ་དང་། བ་ཀུ་ལ་ལ་སོགས་པའི་མེ་ཏོག་རྣམས་ཀྱིས་མངོན་པར་གཏོར་བ་མངོན
iiif viewer powered by OpenSeadragon
