| e-texts navigator |
| Wylie |
192a1 པ་ཀུ་ལཱ་དང་ཙམ་པ་ཀཱ། བཱ་རི་ཥི་ཀརྡྷ་ནུ་ཀཱ།། མཱ་ལ་ཏི་ཡི་མེ་ཏོག་སོགས།། རས་དེ་ལ་ནི་མངོན་པར་གཏོར།། ཤར་དུ་མངོན་ཕྱོགས་ཀུ་ཤ་ཡི།། ཁྲེས་ལ་ཉེར་འདུག་དང་བའི་བློས།
192a2 སངས་རྒྱས་བྱང་ཆུབ་སེམས་དཔའ་ཀུན།། སེམས་དཔར་གྱུར་པས་འདི་ཕྲ་མོ།། ལག་པས་བླངས་ནས་མ་འཁྲུགས་པའི།། སེམས་ཀྱིས་རས་ལ་རི་མོ་བྲི།། དང་པོ་རེ་ཞིག་དེ་བཞིན་གཤེགས་པ་ཤཱཀྱ་ཐུབ་པ་བྲི་བར
192a3 བྱ་སྟེ། རྣམ་པ་ཐམས་ཅད་ཀྱི་མཆོག་དང་ལྡན་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་མཚན་པ། དཔེ་བྱད་བཟང་པོ་བརྒྱད་ཅུས་ཉེ་བར་མཛེས་པའི་སྐུ་རིན་པོ་ཆེའི་པདྨ་ལ་བཞུགས་པ། ཀུན་ནས་འོད་འབར
192a4 བཀུན་ནས་འོད་འདོམ་གང་གིས་ཉེ་བར་མཛེས་པའི་སྐུ། ཆོས་སྟོན་པར་མཛད་བཞིན་པ། རབ་ཏུ་དང་པའི་སྐུ། རྣམ་པ་ཐམས་ཅད་ཀྱི་མཆོག་དང་ལྡན་པ། དབུས་ན་གནས་པའི་པདྨའི་བཻ་ཌཱུཪྻའི་སྡོང་པོ་ཅན། འོག
192a5 ན་ཀླུའི་རྒྱལ་པོ་སྲ་གདན་ཆེན་པོ་པདྨའི་སྡོང་བུ་དེ་ལ་འཛིན་བཞིན་པས་དེ་བཞིན་གཤེགས་པ་ལ་ལྟ་ཞིང་ལག་པ་གཡས་པས་ཕྱག་འཚལ་བཞིན་པ། དཀར་པོ་རྒྱན་ཐམས་ཅད་ཀྱིས་རྣམ་པར་བརྒྱན་པ། ལུས
192a6 ཕྱེད་མིའི་རྣམ་པ་ཅན་གྱི་དགའ་བོ་དང་ཉེ་དགའ་བོ་བྲི་བར་བྱའོ། ། པདྨའི་མཚོ་དེའི་ཁོར་ཡུག་ཏུ་པདྨའི་འདབ་མ་དང་། མེ་ཏོག་དང་། ཅུང་ཟད་ཁ་བྱེ་བ་དང་། རྣམ་པར་ཁ་བྱེ་བ་དང་། ཆུ་ལས་སྐྱེས་པའི་བྱ་དང་ཉལ
192a7 སོགས་པས་མངོན་པར་ཁྱབ་པ། མ་ལུས་པར་བཀོད་པ་ཤིན་ཏུ་སྦས་པ། མཛེས་པའི་རྣམ་པར་མངོན་པར་བྲི་བར་བྱའོ།། གང་བཅོམ་ལྡན་འདས་ཀྱི་རྩ་བའི་པདྨའི་སྡོང་བུ་དང་འདབ་མ་དེ་ཉིད་ལས་རྣམ་པར
iiif viewer powered by OpenSeadragon
