| e-texts navigator |
| Wylie |
190a1 ཐག་པ་ལ་ཡུངས་ཀར་གྱིས་ཡང་དག་པར་བསྣུན་ནས་ཕྱག་རྒྱ་ཆེན་པོ་གཙུག་པུད་ལྔ་པ་བཅིངས་ཏེ། གཙུག་ཏོར་བཅིང་བ་བྱས་ན་བསྲུང་བ་ཆེན་པོ་བྱས་པར་འགྱུར་རོ།། གལ་ཏེ་རས་རབ་ཡིན་ན
190a2 ཞེང་དུ་ཁྲུ་བཞི། ཆུར་ཁྲུ་བརྒྱད་ཀྱི་ཚད་འདི་ཙམ་དུ་ཐ་ག་པས་བྲན་པར་བྱའོ།། འབྲིང་བར་གྱུར་ན་ཞེང་དུ་ཁྲུ་དོ།། ཆུར་ཁྲུ་ལྔ་ཉིད་དོ།། ཐ་མ་ནི་བདེ་བར་གཤེགས་པའི་མཐོ་གང་གི་ཚད་ལ། ཆུར་ནི་སངས་རྒྱས་ཀྱི་ཁྲུ་གང་ཉིད་དོ།།
190a3 དེ་ལ་སངས་རྒྱས་བཅོམ་ལྡན་འདས་ཀྱི་མཐོ་གང་ནི་ཡུལ་དབུས་ཀྱི་སྐྱེས་བུ་ཚད་དང་ལྡན་པའི་ཁྲུ་གཅིག་སྟེ། འདི་ནི་བདེ་བར་གཤེགས་པའི་མཐོའོ་ཞེས་བསྒྲགས་ཏེ། ཚད་འདིས་ཚད་ཀུན་ཏུ་བཤད་དོ།། འདི་ནི་འཕུར་བའི་དངོས
190a4 གྲུབ་ཏུ། སྐྱེས་བུ་མཆོག་གིས་གསུངས་པ་ཡིན།། ཐུབ་པ་མི་སྣང་གྱུར་འོག་ཏུ།། རྒྱལ་སྲིད་འདོད་ལ་འབྲིང་པོ་སྟེ།། ལོངས་སྤྱོད་ཆེན་པོ་དོན་གཉེར་བའི།། སྐྱེས་བུ་ལྷ་དང་ལྷ་མིན་དང་།། གདེངས་ཅན་ཐ་མ་གྲུབ་པར
190a5 བཤད། འདྲིང་བ་དངོས་གྲུབ་འབྲིང་པོའོ།། རས་འབྲིང་པོ་ནི་རྟག་པ་རུ།། སེམས་ཅན་ཀུན་གྱི་ལས་རྣམས་སྒྲུབ།། ཕྲན་ཚེགས་ལས་རྣམས་བསྒྲུབ་བྱ་ལ།། རས་ཐ་མ་ནི་རྟག་པ་རུ།། ལས་རྣམས་ཐམས་ཅད
190a6 སྒྲུབ་པར་བྱེད། ། རྫས་རྣམས་ཀུན་ལ་རྟག་ཏུ་ནི།། ལས་རྣམས་ཐམས་ཅད་སྒྲུབ་པར་བྱེད།། རས་རིས་གསུམ་གྱིས་ངེས་བསྟན་པའི།། དངོས་གྲུབ་དཔལ་དོན་གཉེར་བའི་མི།། བརྒྱ་བྱིན་བདེ་སོགས་བདག་པོ་ཡང་།
190a7 ཆོ་ག་ཉམས་ན་མི་འགྲུབ་ཏེ།། ཆོ་ག་ཡང་དག་ལྡན་གྱུར་ན།། མི་ཡི་སྐྱེ་བོ་ཕལ་པ་ལའང་།། འབད་པ་ཡིས་ནི་ལས་རྣམས་ཀུན།། མྱུར་བ་ཉིད་དུ་འགྲུབ་པར་འགྱུར།། རྒྱལ་དང་རྒྱལ་མཆོག་སྲས་རྣམས་ཀྱིས།།
iiif viewer powered by OpenSeadragon
