| e-texts navigator |
| Wylie |
189b1 གསུངས། ། དེ་ནས་རིག་པ་འཛིན་པས་ཐ་ག་པ་ལ་གསོ་སྦྱོང་བྱིན་ནས།། ཤིན་ཏུ་དག་པའི་རྒྱུ་སྐར་ལ་འམ། ཆོ་འཕྲུལ་གྱི་ཟླ་ཕྱེད་ལ་འམ། དཀར་པོའི་ཉི་མ་འམ། དཀར་པོའི་གཟའ་ངེས་པར་བལྟས་ཏེ།
189b2 དཀར་པོའི་ཟླ་ཕྱེད་གཞན་ལའང་རུང་སྟེ། ཤིང་ས་ཧ་ཀཱ་རའི་སྙེ་མ་དང་མེ་ཏོག་སྐྱེས་ཤིང་། ཤིང་གི་མེ་ཏོག་དང་ཡལ་ག་རྒྱས་ཤིང་དཔྱིད་ཀའི་དུས། དུས་ཀྱི་མཆོག་དེར་སྔ་དྲོ་ཉི་མ་འཆར་བའི་ཚེ། སྔར་བསྟན་པའི
189b3 རྒྱུ་སྤུན་དང་བཅས་པས་ཐ་ག་པ་ཙཱ་རུའི་བཟའ་བ་ཟོས་ཤིང་གོས་དཀར་པོ་གྱོན་པ། མགོ་ལ་གཙུག་ཏོར་བཅིངས་ནས་ལེགས་པར་བཀྲུས་པ། ཙན་དན་དཀར་པོ་དང་གུར་ཀུམ་དག་གང་ཡང་རུང་བས་ལེགས་པར་བྱུག
189b4 པ་ལུས་ལ་རྗེས་སུ་བྱུགས་པ། ག་པུར་གྱི་དྲིས་ཁ་བསྒོས་པ། ཡིད་དགའ་ཞིང་བཀྲེས་པ་དང་སྐོམ་པ་དང་བྲལ་བར་བྱས་ནས། ཐགས་ཀྱི་སྣས་ལ་སོགས་པའི་ཡོ་བྱད་ཐམས་ཅད་ཀྱང་ས་དང་བ་ལང་གི་ལྕི
189b5 བ་དག་གིས་བཀྲུས་ཏེ། གསར་པ་རྣམས་ཀྱང་སླར་ཡང་བའི་རྣམ་ལྔས་བཀྲུ་བར་བྱའོ།། དེ་ནས་སྲོག་ཆགས་མེད་པའི་ཆུས་བཀྲུ་བར་བྱའོ།། ཙན་དན་དཀར་པོ་དང་གུར་ཀུམ་གྱིས་མངོན་པར་གཏོར་བར་བྱའོ།།
189b6 སའི་ཕྱོགས་གཙང་མ་ཅ་ཅོ་དང་བྲལ་ཞིང་། ལྗོངས་ཀྱི་མི་དང་བྲལ་བ། རྣམ་པར་དབེན་པའི་གནས་བླ་གབ་དང་བཅས་ཤིང་གསང་བར་མེ་ཏོག་དང་བདུག་པ་ལ་སོགས་པས་མཆོད་དོ།། དེ་ནས་རྗེས་སུ་སྒྲུབ་པ་པོས་ཡང
189b7 དག་པར་སྦྱོང་བར་བྱེད་པའི་སྔགས་ཉིད་ཡུངས་ཀར་དཀར་པོ་ལ་བརྒྱ་རྩ་བརྒྱད་མངོན་པར་བསྔགས་པར་བྱས་ནས་ཕྱོགས་བཞི་རྣམས་དང་། སྟེང་དང་། འོག་དང་། ཕྱོགས་བྲལ་རྣམས་སུ་གཏོར་བར་བྱའོ།། དེ་ནས
iiif viewer powered by OpenSeadragon
