| e-texts navigator |
| Wylie |
188a1 པར་མཛོད་ཅིག། བཅོམ་ལྡན་འདས་དང་བྱང་ཆུབ་སེམས་དཔའ་ཆེན་པོ་རྣམས་ལེགས་པར་འཚོ་ཞིང་བདག་གི་སྐྱེ་བ་འབྲས་བུ་ཡོད་པ་དང་། སྔགས་ཀྱི་དངོས་གྲུབ་ལྷག་པར
188a2 གནས་པར་མཛོད་ཅིཀ། དེའི་དུས་སུ་རྔ་པ་ཊ་ཧ་དང་། རྔ་བོ་ཆེ་དང་། དུང་དང་། པི་ཝ་ང་དང་། གླིང་བུ་དང་། འཁར་རྔ་དང་། རྔ་མུ་ར་ཛའི་སྒྲ་ཐོས་པར་གྱུར་པ་འམ། རྒྱལ་རིགས་སམ། རྒྱལ་རིགས་མོ་འམ།
188a3 བུད་མེད་དམ། ཁྱིའུ་འམ། བུ་མོ་འམ། མི་རྣམས་གློ་བུར་དུ་འདི་སྐད་ཅེས་རྒྱལ་བ་དང་། གྲུབ་པ་དང་། དངོས་གྲུབ་སྦྱིན་པ་དང་། བྱིན་པ་དང་། ཟུང་ཞིག་དང་། དཔལ་དང་། འབྲས་བུ་དང་བཅས་པ་དང་།
188a4 ལས་ཀྱི་འཁོར་ལོ་དང་། མང་པོ་ཞེས་པ་དེ་ལྟ་བུ་ལ་སོགས་པ་གཞན་ཡང་དགེ་བའི་སྒྲ་རབ་ཏུ་འདོན་པ་དང་། དྲིལ་བུའི་སྒྲ་བྱུང་བ་དང་། དགའ་བའི་སྒྲའང་རུང་སྟེ། དེ་རྣམས་རིག་པ་འཛིན་པས་སངས་རྒྱས་བཅོམ
188a5 ལྡན་འདས་རྣམས་དང་བྱང་ཆུབ་སེམས་དཔའ་རྣམས་ཀྱིས་བྱིན་གྱིས་བརླབས་པར་ཤེས་པར་བྱའོ། ། གཞན་དུ་དངོས་གྲུབ་འབྲས་བུ་མེད་དོ་ཞེས་པས་སོ།། དེའི་དུས་སུ་དེ་རྣམས་མ་རུངས་པའི་སྒྲ་འབྱིན་པའམ།
188a6 ཟུང་ཞིག། ཟོ་ཞིག། འཛིན་དུ་ཆུག་ཅིག། ཉམས་པ། རྣམ་པར་བརླག་པ། ཀྱི་ཧུད། རིང་བ། མེད་པ། དེ་ལྟ་བུ་ལ་སོགས་པའི་སྒྲ་འབྱིན་པར་བྱེད་པ་དང་། མི་དང་། མ་ཧེ་དང་། ལྕེ་སྤྱང་དང་། བོང་བུ་དང་།
188a7 བྱི་ལ་དང་། དུད་འགྲོ་དམན་པ་རྐང་གཉིས་པ་དང་། རྐང་བཞི་པ་རྣམས་ཀྱི་སྒྲ་འདོན་པར་གྱུར་ན། དེ་ལ་སྒྲུབ་པ་པོས་བདག་གི་དངོས་གྲུབ་མེད་དོ་ཞེས་ཤེས་པར་བྱ་ཞིང་། སྐྱེ་བ་འདི་ཉིད་ལ་ཀུན་ཏུ་བརྟུལ་བར་བྱའོ།། སླར
iiif viewer powered by OpenSeadragon
