| e-texts navigator |
| Wylie |
187a1 དྲུང་དུའོ། ། སྲུལ་པོས་ཟིན་པ་ལ་ཁྲོན་པའི་དྲུང་དུའོ།། གཞན་རྣམས་ཀྱང་ཇི་ལྟར་འདོད་པ་བཞིན་དུ་གང་དུའམ་དེ་རུའང་ཉེས་པ་མེད་དོ།། གྲོགས་པོ་དག་མདོར་བསྡུས་ན་རིག་པ་འདི་ནི
187a2 དཀྱིལ་འཁོར་དང་ལས་ཐམས་ཅད་པ་སྟེ། སྒྲུབ་ཐབས་ཐམས་ཅད་དང་། ལས་ཐམས་ཅད་ལ་རབ་ཏུ་སྦྱར་བར་བྱའོ།། གསང་ཆེན་འདི་དང་ལྷན་ཅིག་རབ་ཏུ་སྦྱར་བར་བྱ་སྟེ། དཀྱིལ་འཁོར་འདི་ནི་སེམས་ཅན་རྣམས
187a3 ལ་ཕན་པར་འདོད་པའི་འབྲས་བུ་ཡོད་པའོ། ། ལོངས་སྤྱོད་ཐམས་ཅད་མངོན་པར་འཕེལ་བར་བྱེད་པ་སྒྲོལ་མའི་དཀྱིལ་འཁོར་གྱི་རིག་པ་སྒྲུབ་པ་པོ་རྣམས་ལ་ཕན་པའི་དོན་གྱི་ཕྱིར་འབྱོར་པ་ཐམས་ཅད་མངོན་པར
187a4 འཕེལ་བར་བྱེད་པ་སྟེ། མདོར་ན་ཕྱི་མའི་ལུས་ཅན་འབྱུང་བར་འགྱུར་བ་ཐམས་ཅད་ཀྱི་སློབ་དཔོན་དུ་གྱུར་པར་རབ་ཏུ་གྲགས་སོ།། དེ་ནས་དཀྱིལ་འཁོར་ཆེན་པོར་གྱུར་པ་གང་ཐོབ་ནས་དཔལ་མེད་པ་འཇོམས་པར
187a5 པར་བྱེད་ཅིང་ཞི་བར་བྱེད། ནད་དང་དགྲ་འཕྲོག་པ་དེ་ལྟ་བུའི་དཀྱིལ་འཁོར་སེམས་ཅན་ཐམས་ཅད་ཀྱི་གཟི་བརྗིད་དང་སྟོབས་སྒྲུབ་པར་བྱེད་པ་མཐོང་ཞིང་ཐོས་ནས། དེ་ནས་ཆོ་ག་ལ་རབ་ཏུ་དང་བསྐྱེ་བར་འགྱུར་བ་གང
187a6 ཡིན་པ་དེ་རྣམས་སངས་རྒྱས་ཐམས་ཅད་ཀྱི་བྱང་ཆུབ་ཏུ་བདག་གིས་ལུང་སྟོན་པར་ཐེ་ཚོམ་མེད་དོ། ། གང་ཡང་མ་འོངས་པའི་སངས་རྒྱས་འབྱུང་བར་འགྱུར་བ། འཇིག་རྟེན་གྱི་འདྲེན་པ་དེ་རྣམས་ཀྱང་རྗེས་སུ་ཡི་རང
187a7 བར་འགྱུར་རོ། ། ས་སྟེང་དཀྱིལ་འཁོར་སྨྲ་བ་ནི།། ཞི་བའི་ལས་རྣམས་ཐམས་ཅད་བྱེད།། བཀྲེན་པ་རྣམས་ཀྱིས་ཕན་པ་ཐོབ།། སེམས་ཅན་མགོན་མེད་སྡུག་བསྔལ་ཅན།། རྣམས་ཀྱིས་དཀྱིལ་འཁོར་རབ་སྦྱར་བྱ།།
iiif viewer powered by OpenSeadragon
