| e-texts navigator |
| Wylie |
186b1 གྱིས་རབ་ཏུ་སྦྱར་བའི་ལས་ཐམས་ཅད་འཇིག་པར་བྱེད་པའི་རིག་པ་འདིའང་དཀྱིལ་འཁོར་གཉིས་པའི་ཆོ་ག་དང་སྒྲུབ་ཐབས་སུ་འགྱུར་ཏེ། འཕགས་མ་སྒྲོལ་མས་ལས་ཆེན་པོ་ཐམས་ཅད་མདོར་བསྡུས་པ་དང
186b2 ལས་ཕྲན་ཚེགས་ཐམས་ཅད་ལའང་ཉེ་བར་སྦྱར་བར་བྱ་ཞིང་། དཀྱིལ་འཁོར་ཐམས་ཅད་ཀྱི་ཆོ་ག་དང་སྒྲུབ་ཐབས་རྣམས་ལའང་ངོ་།། ཉིན་མཚན་གང་དུ་འམ་དེར་ཡང་རུང་སྟེ། གཙང་མའི་ཕྱོགས་སུ་བྲི་བར་བྱའོ།
186b3 བདག་ཉིད་ཉེས་པ་མེད་པ་དཀྱིལ་འཁོར་གྱི་སློབ་དཔོན་གྱིས་གཅིག་པུས་དང་པོ་རེ་ཞིག་གྲུ་བཞི་མཉམ་པ། སྒོ་བཞི་པ། ཁྲུ་བཞིའི་ཚད་དང་ལྡན་པའི་དབུས་སུ་པདྨའི་ཕྱག་རྒྱ། དེའི་གཡས་སུ་ཨུཏྤ་ལ་སྔོན་པོ་དང་། དབྱུག
186b4 པའི་ཕྱག་རྒྱ་དང་། རིལ་བ་སྤྱི་བླུགས་ཀྱི་ཕྱག་རྒྱ། གཡོན་དུ་རྡོ་རྗེ་རྩེ་གསུམ་གྱི་ཕྱག་རྒྱ་དང་། གོས་དཀར་མོའི་ཕྱག་རྒྱ་དང་། རྟ་མགྲིན་དང་དཔལ་ཆེན་མོའི་ཕྱག་རྒྱའོ།། ཤར་སྒོར་པདྨ་བྱང་དུ་ཨུཏྤ་ལ། ལྷོ་རུ་རྡོ་རྗེ། ནུབ
186b5 ཏུ་འཇུག་པའི་རིམ་པ་ལས་འདས་པར། སྟེང་དུ་འཁྱིལ་པའི་རྣམ་པའི་ཞགས་པའི་ཕྱག་རྒྱའོ།། དེའི་འོག་ཏུ་ཕྱི་ནས་མེའི་བྱ་བ་བྱས་ནས་སྔར་བརྗོད་པའི་ཆོ་གས་མཆོད་པ་ལ་སོགས་པ་བྱས་ཏེ། དཀྱིལ་འཁོར་དུ་འཇུག
186b6 པར་བྱའོ། ། དེ་ལ་རྒྱལ་སྲིད་འདོད་པས་ཧངྠའི་ཤིང་དུའོ།། ལོངས་སྤྱོད་འདོད་པས་རང་གི་ཁྱིམ་གྱི་ལྷའོ།། རྟ་འདོད་པས་རྟའི་བྲེས་སུའོ།། གླང་པོ་ཆེ་འདོད་པས་གླང་པོ་ཆེའི་བྲེས་སུའོ།། བུ་འདོད་པས་པོ་དེ་རྩིའི་ཤིང་གི
186b7 དྲུང་དུའོ། ། ཚངས་པའི་སྲིན་པོས་ཟིན་པ་ལ་ཚངས་པས་བསྐྱངས་པ་རུའོ།། ཀླུས་ཟིན་པ་ལ་ཀླུ་ཤིང་དང་ཉེ་བ་རུའོ།། མཁའ་འགྲོ་མས་ཟིན་པ་ལ་ལམ་བཞི་མདོ་རུའོ།། གནོད་སྦྱིན་གྱིས་ཟིན་པ་ལ་པ་ཊའི་ཤིང་གི
iiif viewer powered by OpenSeadragon
