| e-texts navigator |
| Wylie |
185b1 བྱང་ཆུབ་སེམས་དཔའ་རྣམས་དང་། གཞན་ཡང་རྫུ་འཕྲུལ་ཆེན་པོའི་ལྷའི་ཁྱད་པར་རྣམས་དང་། བཅོམ་ལྡན་འདས་ཀྱི་ཉན་ཐོས་རྣམས་ཀྱང་གསན་དུ་གསོལ། གང་དམ་ཚིག་གི་དཀྱིལ་འཁོར་འདིར་ཆོ་ག
185b2 ལས་འདས་པར་ཡང་རུང་སྟེ། གུས་པར་བྱེད་པ་དང་། གཞན་ཡང་གང་ཅུང་ཟད་བདག་ཉིད་ཉམས་པར་བྱ་བ་དེ་དག་དགེ་བའི་རྩ་བ་འདིས་དཀྱིལ་འཁོར་ཐམས་ཅད་རབ་ཏུ་གན་པ་དང་། དེ་བཞིན་གཤེགས་པ་ཐམས
185b3 ཅད་ཀྱི་སྤྱོད་ཡུལ་དང་། བྱང་ཆུབ་སེམས་དཔའ་ཐམས་ཅད་ཀྱི་སྤྱོད་ཡུལ་དང་མ་བྲལ་བར་ཐོབ་པར་གྱུར་ཅིག། མྱུར་དུ་བདེ་བ་དང་ལྡན་པ་ཐོབ་པར་གྱུར་ཅིག། དེ་སྐད་ཅེས་བརྗོད་པར་བྱའོ།། དཀྱིལ་འཁོར་དུ་རབ་ཏུ
185b4 ཞུགས་པའི་སེམས་ཅན་རྣམས་ཐམས་ཅད་ལ། མདོར་ན་བྱང་ཆུབ་ཀྱི་སེམས་དང་མི་འབྲལ་བར་འགྱུར་བར་བྱའོ།། སྦྱིན་པ་ལ་རབ་ཏུ་ཆགས་པ་དང་། བྱམས་པ་ལ་སོགས་པ་ལ་གནས་པ་དང་། སངས་རྒྱས
185b5 དང་བྱང་ཆུབ་སེམས་དཔའ་ཐམས་ཅད་མཆོད་པ་དང་། མདོར་ན་ལུང་དང་། རིག་པ་དང་། གསང་སྔགས་སངས་རྒྱས་དང་བྱང་ཆུབ་སེམས་དཔས་གསུངས་པ་རྣམས་བལྟ་བར་བྱ། བྱང་ཆུབ་ཀྱི་སེམས
185b6 དང་མི་འབྲལ་བར་འགྱུར་བར་བྱའོ་ཞེས་བརྗོད་པར་བྱའོ། ། དེ་ནས་དཀྱིལ་འཁོར་གྱི་སློབ་དཔོན་གྱིས་བྱང་ཆུབ་སེམས་དཔའ་ལ་སོགས་པ་དེ་རྣམས་ཐམས་ཅད་ལ་དྲི་བཟང་པོའི་མེ་ཏོག་གིས་མཆོད་ཡོན་ཕུལ
185b7 ནས་སམ། དེ་ནས་ཡིད་ཀྱིས་མཆོད་ཡོན་ཕུལ་ནས་རྩ་བའི་རིག་པ་བཟླས་པས་གཙྪ་གཙྪ་ཞེས་པ་དང་། སྭཱ་ཧཱ་ཞེས་པ་ཁོ་ན་བཟླས་པས་ཕྱོགས་བཞིར་རྣམ་པར་བལྟས་ཏེ། བཅོམ་ལྡན་འདས་མའི་རྩ
iiif viewer powered by OpenSeadragon
