| e-texts navigator |
| Wylie |
184b1 ལྔ་པོ་ཉིད་རེ་རེ་ལ་ཇི་ལྟར་འདོད་པ་བཞིན་དུ་མངོན་པར་དབང་བསྐུར་བ་ལྔ་སྦྱིན་པར་བྱའོ། ། དེ་ནས་དེ་དག་རིམ་གྱིས་དཀྱིལ་འཁོར་དུ་བཅུག་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕུལ་ཏེ། དཀྱིལ
184b2 འཁོར་ལ་བསྐོར་བ་ལན་གསུམ་བྱས་ནས་གཤེགས་སུ་གསོལ་བར་བྱའོ། ། དེ་ནས་ཉི་མ་གཞན་ལ་རིམ་གྱིས་རིག་པ་དང་གསང་སྔགས་ཀྱི་སྤྱོད་པ་རྣམས་ལ་བསླབ་པར་བྱ་ཞིང་། རྣམ་པར་སྦྱར་བར་བྱའོ།། སྐད་ཅིག།
184b3 དེ་ཉིད་ལ་སོང་ནས་སྔར་བརྟེན་པར་ཕུལ་བ། བྱང་ཆུབ་སེམས་དཔའ་ཆེན་པོ་ལ་སྔར་ཕུལ་བའི་ཆུ་བུམ་པ་གང་བ་བླངས་ནས། དཀྱིལ་འཁོར་དུ་ཞུགས་པ་དེ་རྣམས་ལ་ཆུ་ཁྱོར་བ་གསུམ་ཤར་དུ་མངོན་པར་ཕྱོགས
184b4 པར་བྱས་ནས་འཐུང་དུ་གཞུག་པར་བྱའོ། ། འདི་སྐད་བརྗོད་པར་བྱ་སྟེ། ཀྱེ་བྱང་ཆུབ་སེམས་དཔའ་ཆེན་པོ་གསང་བའི་དམ་ཚིག་གང་གིས་འདའ་བར་བྱེད་ན་བསོད་ནམས་མ་ཡིན་པ་མང་པོ་སྐྱེ་བར་འགྱུར་རོ།།
184b5 དཀྱིལ་འཁོར་གང་དུའམ། དེར་ཡང་རིགས་དམན་པ་གང་གིས་དཀྱིལ་འཁོར་དུ་འོངས་པ་དེ་རྣམས་ཀྱང་དཀྱིལ་འཁོར་གྱི་སློབ་དཔོན་གྱིས་སྙིང་རྗེ་ཆེན་པོའི་སེམས་བསྐྱེད་ནས། གྲོགས་བྱེད་པའི་ལག་པར་གོས
184b6 དཀར་པོ་གཙང་མ་མགོ་བོར་བཅིངས་པ་གཞན་གྱིས་སམ་གོས་ཀུན་ཏུ་གཡོགས་ཏེ་གནས་པ་དམ་ཚིག་གི་ཕྱག་རྒྱ་བཅིངས་ནས་རིགས་དམན་པ་རྣམས་ཀྱིས་མེ་ཏོག་གཏོར་བར་བྱའོ། ། དེ་ནས་གྲོགས་བྱེད་པ་དེ་རྣམས
184b7 ཀྱིས་ཀྱང་རབ་ཏུ་ཞུགས་པའི་སེམས་ཅན་ཐམས་ཅད་ཀྱིས་ཁྲུས་བྱའོ། ། དེ་རྣམས་ཀྱིའང་དམ་ཚིག་ཙམ་དེ་འབྱུང་བར་འགྱུར་རོ།། སྒྲུབ་པའང་གྲུབ་པར་འགྱུར་རོ།། དེ་སྔར་བྱས་པའི་མེའི་བྱ་བའི་གནས་སུ་སོང
iiif viewer powered by OpenSeadragon
