| e-texts navigator |
| Wylie |
182b1 ཕྱོགས་ཀྱི་ཚའི་ས་ཕྱོགས་རྩ་བའི་སྔགས་ཀྱིས་བྱིན་གྱིས་བརླབས་ཤིང་སྔགས་ཀྱིས་དག་པར་བྱས་ནས། དེ་ནས་རྒྱལ་པོ་མངོན་པར་དབང་བསྐུར་བ་དེ་བཞིན་དུ་སེམས་བཞིན་པས་མཐའ་གཅིག་ཏུ་སངས་རྒྱས
182b2 དང་ཆོས་དང་། དགེ་འདུན་ལ་མངོན་པར་དང་བའི་དད་པ་དང་སྤྲོ་བ་ཆེན་པོ་དང་ལྡན་པ། བྱང་ཆུབ་ཀྱི་སེམས་དང་མ་བྲལ་བ། ཐེག་པ་ཆེན་པོ་ལ་ཞུགས་པ། དཀོན་མཆོག་གསུམ་ལ་བསྙེན་བཀུར་བྱེད
182b3 པ་དབང་པོ་མ་ཚང་བ་མེད་ཅིང་མ་སྨད་པ། སྐྱེ་བ་འདི་ཉིད་ལ་རིག་པ་དང་སྔགས་སྒྲུབ་པར་འདོད་པ། བསམ་པ་བཟང་ཞིང་སྔགས་ཀྱི་སྤྱོད་པ་ལ་སྤྲོ་བའི་ཡིད་དང་ལྡན་པ། དགེ་མཚན་འདོད་པའི་རང་བཞིན
182b4 ཅན་སད་པའི་རྒྱུར་ཡང་རིག་པའི་དོན་ལ་རྣམ་རྟོག་མེད་ཅིང་། དེར་གཏད་པའི་ཡིད་ཅན་དེ་ལྟ་བུ་ལ་སོགས་པ་ལྔ་ཇི་སྲིད་པར་མངོན་པར་དབང་བསྐུར་བར་བྱའོ།། ལྷག་མ་རྣམས་སྤང་བར་བྱའོ་ཞེས་སོ།། ཤེས
182b5 རབ་ཅན་དང་སྤྱོད་པ་ལ་མ་རྨོངས་པའི་ཁྱད་པར་ལས་ཏེ། གཞན་རྣམས་བསྟེན་པར་བྱ་བ་མ་ཡིན་ནོ།། དེ་ནས་རྒྱལ་པོ་ཐམས་ཅད་དབང་བསྐུར་བ་བཞིན་དུ་ཡོ་བྱད་ཐམས་ཅད་བསོགས་ཏེ། སློབ་དཔོན་དང
182b6 མཁན་པོ་མཉེས་པར་བྱའོ། ། དེ་ནས་བླ་རེ་བྲེས་ཏེ་རྒྱལ་མཚན་དང་། བ་དན་དང་། གདུགས་དཀར་པོ་མགོ་བོར་འཛིན་བཞིན་པ་དང་། རྔ་ཡབ་དཀར་པོ་གཡོ་བ་བཞིན་པ་དང་། བཀུར་སྟི་ཆེན་པོས་དུང་དང་།
182b7 རྔ་བོ་ཆེ་དང་། རྫ་རྔའི་དགའ་བའི་སྒྲ་ངེས་པར་སྒྲོགས་པ་དང་། རྒྱལ་བའི་སྒྲ་དང་། བཀྲ་ཤིས་ཀྱི་ཚིགས་སུ་བཅད་པས་མངོན་པར་བསྔགས་པ་དང་། བདེ་ལེགས་ཀྱི་ཚིགས་སུ་བཅད་པ་རྒྱལ་བས་གསུངས
iiif viewer powered by OpenSeadragon
