| e-texts navigator |
| Wylie |
160a1 འཇིག་པར་བྱེད་པའོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་ཕྱག་གཡས་པ་བཏེག་ནས་ཁྲོ་བོའི་སྤྱི་བོར་བཞག་སྟེ་འདི་སྐད་ཅེས་ཀྱང་སྨྲས་སོ།
160a2 སངས་རྒྱས་ཐམས་ཅད་ལ་ཕྱག་འཚལ་ལོ།། སངས་རྒྱས་བཅོམ་ལྡན་འདས་རྣམས་དགོངས་སུ་གསོལ། གང་ལ་ལ་ཕྱོགས་བཅུའི་འཇིག་རྟེན་གྱི་ཁམས་ན་རྣམ་པར་གནས་པའི་བྱང་ཆུབ་སེམས་དཔའ་མཐའ་ཡས
160a3 ཤིང་མུ་མེད་པའི་རྫུ་འཕྲུལ་ཆེན་པོ་དང་ལྡན་པ་རྣམས་དམ་ཚིག་ལ་ལྷག་པར་གནས་པར་གྱིས་ཤིག། དེ་སྐད་ཅེས་སྨྲས་ནས་ཁྲོ་བོའི་རྒྱལ་པོ་དེ་བསྐོར་ནས་བཏང་བར་གྱུར་ཏོ།། ཁྲོ་བོའི་རྒྱལ་པོ་ཆེན་པོ་བཏང་མ་ཐག་ཏུ
160a4 ཏ་ཧམས་ཅད་དང་ལྡན་པའི་འཇིག་རྟེན་གྱི་ཁམས་དག་ཏུ་སོང་ནས་སྐད་ཅིག་ཙམ་གྱིས་གདུག་སེམས་ཅན་གྱི་སེམས་ཅན་རྫུ་འཕྲུལ་ཆེན་པོ་དེ་རྣམས་ཚར་བཅད་ཅིང་བཀུག་ནས་འཁོར་གྱི་དཀྱིལ་འཁོར་ཆེན་པོ་དག་པའི
160a5 སེམས་ཅན་ལ་ཡང་དག་པར་བཅུག་སྟེ་གནས་ཇི་ལྟ་བ་བཞིན་དུ་གནས་པར་བྱས་ནས། སེམས་ཅན་གདུག་པ་རྣམས་ཀྱི་སྤྱི་བོར་ཀུན་ནས་འབར་བའི་འཕྲེང་བས་འཁྲུགས་པར་གྱུར་ནསགནས་པར་གྱུར་ཏོ།།
160a6 དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་སླར་ཡང་འཁོར་གྱི་དཀྱིལ་འཁོར་ལ་གཟིགས་ནས་སེམས་ཅན་ཁྱེད་ཅག་ཐམས་ཅད་ཉོན་ཅིག། གང་ཡང་ངའི་དམ་ཚིག་འདི
160a7 ལས་འདའ་བར་བྱེད་པ་དེ་ལ་ཁྲོ་བོའི་རྒྱལ་པོས་ཚར་གཅོད་པར་འགྱུར་ཏེ། གང་གི་ཕྱིར་ན་སངས་རྒྱས་བཅོམ་ལྡན་འདས་རྣམས་ཀྱི་དམ་ཚིག་ནི་འདའ་བར་བྱ་བ་མ་ཡིན་པའི་ཕྱིར་རོ།། རིག་སྔགས་དང་གསང་སྔགས
iiif viewer powered by OpenSeadragon
