| e-texts navigator |
| Wylie |
159b1 དཀྱིལ་འཁོར་གྱི་རྒྱུད་གསུངས་པ། རིག་སྔགས་ཐམས་ཅད་ཡང་དག་པར་སྐུལ་བར་བྱེད་པ་ཞེས་བྱ་བའི་རྫུ་འཕྲུལ་གྱི་རྣམ་པར་འཕྲུལ་པ་རྣམ་པར་སྟོན་པར་བྱེད་ཅིང་ལག་པ་གཡས་པ་བཏེག་ནས་སོར་མོའི་རྩེ་མོས་འཁོར
159b2 ཀྱི་དཀྱིལ་འཁོར་ལ་སྟོན་པར་བྱེད་ཅིང་། སོར་མོའི་རྩེ་མོ་དེར་རིག་པའི་རྒྱལ་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་ངེས་པར་ཕྱུང་སྟེ། ཕྱུང་ནས་ཀྱང་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་དེ་སྣང
159b3 བ་ཆེན་པོས་ཀུན་ཏུ་སྣང་བར་བྱས་ནས་གནས་པར་གྱུར་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་ཁྲོ་བོའི་རྒྱལ་པོ་སྒྲོལ་མས་ནོན་པའི་སྙིང་པོ་ལས་ཐམས
159b4 ཅད་པ་དཔའ་བོ་གཅིག་པ་སྤྱན་དྲངས་པ་དང་། གཤེགས་སུ་གསོལ་བ་དང་། ཞི་བ་ཅན་དང་། རྒྱས་པ་ཅན་དང་། མངོན་སྤྱོད་ཅན་དང་། མི་སྣང་བ་དང་། ནམ་མཁའ་ལ་འགྲོ་བ་དང་། ས་འོག་ཏུ་འཇུག་པ
159b5 དང་རྐང་པ་རབ་ཏུ་རྒྱུ་བ་དང་། དགུག་པ་དང་། རྣམ་པར་སྡང་བ་དང་། དབང་དུ་བྱེད་པ་དང་། དྲི་དང་། འཕྲེང་བ་དང་། མར་མེ་ཐམས་ཅད་རང་གི་རྒྱུད་ཀྱི་སྔགས་ཀྱིས་རབ་ཏུ་སྦྱིན་པར་བྱེད་དེ། མདོར་ན་ཇི་ལྟར
159b6 ། སྦྱར་བ་དེ་བཞིན་དེ་ལྟ་དེ་ལྟར་བསྒྲུབ་པར་བྱ་བཞིན་པ་ནི་ཡི་གེ་གསུམ་ཞེས་བྱ་བ་བརྩོན་འགྲུས་ཆེན་པོས་དོན་ཐམས་ཅད་སྒྲུབ་པར་བྱེད་པའི་ཁྲོ་བོའི་རྒྱལ་པོ་ཆེན་པོའོ།། དེ་གང་ཞེ་ན། ཨོཾ་ཨཱཿཧཱུཾ། འདི་ནི་ཁྲོ་བོ
159b7 ཆེན་པོ་དེའི་སྙིང་པོ་ལས་ཐམས་ཅད་པ་སྟེ། དཀྱིལ་འཁོར་ཐམས་ཅད་དང་། གསང་སྔགས་ཐམས་ཅད་སྤྱོད་པ་རྣམས་ལ་བྱང་ཆུབ་སེམས་དཔའ་སེམས་དཔའ་ཆེན་པོས་ངེས་པར་བསྟན་ཏེ་བགེགས་ཐམས་ཅད
iiif viewer powered by OpenSeadragon
