| e-texts navigator |
| Wylie |
158b1 དོན་གྱི་བྱ་བའི་ཆོས་ཀྱི་ཚུལ་ལ་རབ་ཏུ་འཇུག་པའི་རྗེས་སུ་འཐུན་པའི་ཆོས་སྟོན་ཅིང་ལེགས་པར་བསྟན་པ་ནི་ལེགས་སོ་ལེགས་སོ། ། ཨེ་མ་བྱང་ཆུབ་སེམས་དཔའ་ཆེན་པོ་རྣམ་པ་སྣ་ཚོགས་པའི་ཆོས་སྟོན་པའི་རྗེས
158b2 སུ་འཇུག་པར་བྱེད་པ་གསང་སྔགས་ཀྱི་སྤྱོད་པ་དགེ་བ་ལེགས་པར་གསུངས་སོ། ། རྒྱལ་པོ་ཆེན་པོ་གང་ལ་ལ་ཞིག་འདུས་པའི་ལེའུ་འདི་འཛིན་པར་འགྱུར་བ་དང་། ཡིད་ལ་བྱེད་པར་འགྱུར་བ་དང་། གཡུལ་དུའང
158b3 ཐོག་མར་གླང་པོ་ཆེའི་སྟེང་དུ་འཇོག་པར་འགྱུར་བ་དང་། མེ་ཏོག་དང་། བདུག་པ་དང་། དྲི་དང་། བྱུག་པ་རྣམ་པ་སྣ་ཚོགས་པས་མཆོད་པར་འགྱུར་བ་དེ་ལ་བདག་ཅག་མཚུངས་པར་བརྟག་པར་བགྱི། ཕྱིར
158b4 རྒོལ་བ་དང་དགྲ་བོ་དག་དབང་དུ་བགྱི། ཕ་རོལ་གྱི་དམག་དཔུང་དག་འཇིག་ཅིང་བཟློག་པར་བགྱི། གླེགས་བམ་དུ་བྲིས་ནས་རང་གི་ཁྱིམ་དུ་འཇོག་པར་འགྱུར་བའི་རིགས་ཀྱི་བུ་འམ། རིགས་ཀྱི་བུ་མོ་འམ
158b5 རྒྱལ་པོ་ཆེན་པོ་འམ། རྒྱལ་མོ་ཆེན་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་དེ་ལ་བསྲུང་བ་ཆེན་པོ་དང་། ལོངས་སྤྱོད་ཆེན་པོ་དང་། ཚེ་རིང་པོར་འགྱུར་བ་དང་། ནད
158b6 མེད་པ་དང་། རྟག་ཏུ་ལོངས་སྤྱོད་འཕེལ་བ་ཉིད་ཀྱང་བགྱིའོ།། དེ་སྐད་སྨྲས་ནས་ཐམས་ཅད་དང་ལྡན་པའི་འཁོར་དེ་ཅིའང་མི་གསུང་བར་གྱུར་ཏོ།། ཐེག་པ་ཆེན་པོའི་རིག་སྔགས་དང་གསང་སྔགས་ཀྱི་སྤྱོད་པ་ངེས
158b7 པར་བསྟན་པ་ལས། རལ་པ་གྱོན་བརྗེས་ཀྱི་རྟོག་པ་ཆེན་པོ་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པར་འཕྲུལ་པའི་ལེའུ་རབ་འབྱམ་ལས། བཅོམ་ལྡན་འདམ་འཕགས་མ་སྒྲོལ་མའི་རྩ་བའི་རྟོག
iiif viewer powered by OpenSeadragon
