| e-texts navigator |
| Wylie |
158a1 དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་འབུལ་བར་བྱེད་པ་ལས་དང་། མདོར་བསྡུས་ན་དགེ་བའི་རྩ་བ་ལ་ངོམས་མི་ཤེས་པའི་གོ་ཆ་བགོས་ཏེ་བགེགས་ཐམས་ཅད་རབ་ཏུ་སེལ་བར་འདོད
158a2 པ་ལས་དང་། བྱང་ཆུབ་ཀྱི་རྒྱུད་གནོན་པར་བྱེད་པ་དང་། ལོངས་སྤྱོད་ཆེན་པོ་དང་། དབང་ཆེ་བར་གྲགས་པ་བདག་ཉིད་སོ་སོར་འདོད་པ་དང་། དབང་ཆེ་བར་གྲགས་པའི་གང་ཟག་ལ་ཡང་དག་པར་འགྲོགས་པ་དང་།
158a3 དགེ་བའི་བཤེས་གཉེན་དང་མི་འབྲལ་བ་དང་། བྱང་ཆུབ་སེམས་དཔའ་ཆེན་པོ་དང་ཡང་དག་པར་འགྲོགས་པར་བྱེད་པ་སྟེ། ཆོས་བརྒྱད་པོ་འདི་ནི་གསང་སྔགས་ཀྱི་སྤྱོད་པའི་དོན་གྱི་དངོས་གྲུབ་ལ་ཡང་དག་པར
158a4 འཇུག་པར་འགྱུར་རོ། ། གྲོགས་པོ་དག་མདོར་ན་བྱང་ཆུབ་ཀྱི་སེམས་དང་མི་འབྲལ་ཞིང་། དཀོན་མཆོག་གསུམ་ལ་ལྷག་པར་མོས་ལ་མཆོག་ཏུ་ཚུལ་ཁྲིམས་འཆལ་པ་ལའང་སྐྱོ་བ་མེད་པའི་ཡིད་ཀྱིས་རྟག་ཏུ་མངོན་པར
158a5 བརྩོན་པས་ངའི་སྔགས་ཀྱི་ལེའུ་རབ་འབྱམ་མཐའ་ཡས་ཤིང་རྨད་དུ་བྱུང་བ་བྱང་ཆུབ་སེམས་དཔའི་སྤྱོད་པའི་རྒྱུ་འཐུན་པའི་ཡིད་ལས་བྱུང་བ་འགྲུབ་པར་འགྱུར་ཏེ། དེ་ལས་གཞན་དུ་རྟོགས་པར་བྱ་བ་མ་ཡིན་ནོ།།
158a6 རྣམ་པར་རྟོག་པ་མེད་པའི་ཡིད་དུ་གྱུར་པས་ཉམས་སད་པའི་རྒྱུར་ཡང་བསྒྲུབ་པར་བྱ་བ་ཡིན་ནོ།། དེ་ནས་ཡང་ཐམས་ཅད་དང་ལྡན་པའི་འཁོར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་དང་། རང
158a7 སངས་རྒྱས་དང་། འཕགས་པ་ཉན་ཐོས་ཀྱིས་བྱིན་གྱིས་བརླབས་པ་རྣམས་ཚིག་འདི་སྐད་དུ་རྗོད་པར་བྱེད་དེ། ཀྱེ་རྒྱལ་བའི་སྲས་སེམས་ཅན་ཐམས་ཅད་ཀྱི་དོན་གྱི་ཆེད་དུ་གསང་སྔགས་ཀྱི་སྤྱོད་པ་སྣ་ཚོགས་པའི
iiif viewer powered by OpenSeadragon
