| e-texts navigator |
| Wylie |
14a1 ཕྱག་འཚལ་ལོ། ། འཕགས་པ་སྤྱན་རས་གཟིགས་ཀྱི་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ།། དེ་རྣམས་ལ་ཕྱག་འཚལ་ནས་རིག་པ་འདི་བརྗོད་ཀྱིས
14a2 རིག་པ་འདི་བདག་ལ་གྲུབ་པར་གྱུར་ཅིག། ཏདྱ་ཐཱ། ཧ་ཧ་ཧ་ས་ནེ། ནི་པ་ས་ནེ། ཏ་པ་ཏ་པ་ནེ། ཛྭ་ལ་ཛྭ་ལ་ནེ། ཙ་ལ་ཙ་ལ་ནེ། པཱུརྦ་ཡོ་ག་སྨ་ར་པདྨ་ཧསྟཱ་ཡ་སྭཱ་ཧཱ། གང་གིས་རིག་པ་འདི་བཀླགས་པ་དེ་ཚེ་རབས་བརྒྱ
14a3 སྟོང་དུ་སྐྱེ་བ་དྲན་པར་འགྱུར་ཏེ། འདི་ནས་ཤི་འཕོས་ནས་ཀྱང་བདེ་བ་ཅན་གྱི་འཇིག་རྟེན་དུ་སྐྱེ་བར་འགྱུར་རོ།། འཕགས་པ་སྤྱན་རས་གཟིགས་ཀྱི་སྙིང་པོ་རྫོགས་སོ།། །
14a4 རྒྱ་གར་སྐད་དུ། པདྨ་མུ་ཀུ་ཊ་ཏནྟྲ་ནཱ་མ། བོད་སྐད་དུ། པདྨ་ཅོད་པན་ཞེས་བྱ་བའི་རྒྱུད། བཅོམ་ལྡན་འདས་འཇམ་པའི་རྡོ་རྗེ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ལྷའི་གཞལ
14a5 མེད་ཁང་ན་ལོངས་སྤྱོད་རྫོགས་པའི་སྐུར་སངས་རྒྱས་ནས་བྱང་ཆུབ་སེམས་དཔའི་ཁོར་དཔག་ཏུ་མེད་པ་དང་ཐབས་གཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཐུགས་རྗེ་ཆེན་པོའི་སྒོ་ཀུན་འཕྲོ་བ་ཞེས་བྱ་བའི་ཏིང
14a6 ངེ་འཛིན་ལ་སྙོམས་པར་ཞུགས་ཏེ། འོད་ཟེར་གྱིས་རྣམ་པར་སྣང་མཛད་གང་ཆེན་མཚོའི་ཞིང་གི་རྡུལ་ལ་རེག་པས། རེག་མ་ཐག་ཏུ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་ལ་མཆོད་ནས། འོད་ཟེར་དེ་བཅོམ
14a7 ལྡན་འདས་ཀྱི་དབུའི་གཙུག་ཏོར་དུ་ནུབ་བོ། ། ནུབ་མ་ཐག་ཏུ་ཐུགས་རྗེ་ཆེན་པོ་ཕྱག་སྟོང་སྤྱན་སྟོང་དང་ལྡན་པ། སྐུ་མདོག་གངས་ཀྱི་རྩེ་ལ་ཉི་མ་ཤར་བ་ལྟར་དཀར་བ། ཞལ་བཅུ་གཅིག་གི་རྩ་བའི་ཞལ་དཀར
iiif viewer powered by OpenSeadragon
