| e-texts navigator |
| Wylie |
132a1 ཞུགས་མ་ཐག་ཏུ་ཕྱོགས་བཞི་རྣམས་དང་། སྟེང་དང་། འོག་དང་། ཐད་ཀའི་མཐར་ཐུག་པའི་ཐམ་ཅད་དུམྦི་དང་ལྡན་པའི་ཕྱོགས་ཀྱི་འཇིག་རྟེན་གྱི་ཁམས་སུ་རྫོགས་པའི་སངས་རྒྱས
132a2 བཅོམ་ལྡན་འདས་རྣམས་ཀྱིས་ཀུན་ཏུ་གང་བར་གྱུར་ཏོ། ། རྒྱལ་བའི་སྲས་པོ་ལེགས་སོ་ལེགས་སོ།། གང་ཁྱོད་ཀྱིས་ཏིང་ངེ་འཛིན་ཁྱད་པར་འདི་ལྟ་བུ་ལ་སྙོམས་པར་ཞུགས་པ་ནི་ཉན་ཐོས་དང་རང་སངས་རྒྱས
132a3 ཐམས་ཅད་ཀྱིས་མི་ནུས་ཏེ། བྱང་ཆུབ་སེམས་དཔའ་སྤྱོད་པ་ལ་རབ་ཏུ་ཞུགས་པ་ས་བཅུ་ལ་རབ་ཏུ་བཞུགས་པ་རྣམས་ཀྱིས་ཀྱང་སྙོམས་པར་འཇུག་པར་མི་ནུས་སོ།། དེ་ནས་བཅོམ་ལྡན་འདས་དེ་བཞིན་གཤེགས
132a4 འོད་དཔག་མེད་སངས་རྒྱས་བཅོམ་ལྡན་འདས་དེ་རྣམས་ཀྱིས་ཐབས་ཅིག་བྱམས་པ་དང་བཅས་པ། བཅོམ་ལྡན་འདས་མ་འཕགས་མ་སྒྲོལ་མའི་མཆོག་གི་སྙིང་པོ་མཆོག་ཏུ་གསང་བ་དོན་ཐམས་ཅད་སྒྲུབ
132a5 པར་བྱེད་པ་ཡི་གེ་གཅིག་པ་ཞེས་བྱ་བ་མཆོག་ཏུ་གསང་བའི་སེམས་ཅན་ཐམས་ཅད་ཀྱི་ལས་ཐམས་ཅད་བྱེད་མ། རིག་སྔགས་གཞན་རྣམས་ཀྱིས་ཀྱང་རིག་སྔགས་དང་གསང་སྔགས་ཀྱི་སྤྱོད་པའི་ཁྱད་པར
132a6 གྱིས་སྒྲུབ་པར་བྱེད་པ་དང་འཐུན་པའི་རིག་སྔགས་གསུང་བར་གྱུར་ཏོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་ཡུད་ཙམ་ཞིག་ཅིའང་མི་གསུང་བར་གྱུར་ཏོ།། ཐམས་ཅད་དུ་ཐམས
132a7 ཅད་དང་ལྡན་པའི་འཇིག་རྟེན་ལ་སངས་རྒྱས་ཀྱི་སྤྱན་གྱིས་ཀུན་ཏུ་གཟིགས་ནས། སངས་རྒྱས་བཅོམ་ལྡན་འདས་རྣམས་ཀྱི་དགོངས་པ་བྱམས་པའི་བདག་ཉིད་ཀྱི་སེམས་ཀྱིས་རིག་སྔགས་གསུངས
iiif viewer powered by OpenSeadragon
