| e-texts navigator |
| Wylie |
129b1 རྣམས་སུ་སྐྱེ་བར་བྱེད་པ། སྡུག་བསྔལ་ཐམས་ཅད་རབ་ཏུ་ཞི་བར་བྱེད་པ། དབུལ་བ་དང་ནད་ཀྱིས་བཏབ་པ་ཐམས་ཅད་ཀྱི་ནད་སེལ་བར་བྱེད་པ་ཉིད་དང་། འཇིག་རྟེན་དང་འཇིག་རྟེན་ལས་འདས་པ་ཐམ
129b2 ཅད་ཀྱི་རིག་སྔགས་དང་གསང་སྔགས་ཀྱི་སྤྱོད་པ་ཟིལ་གྱིས་མི་ནོན་པ་ཉིད་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དེ་གསུང་དུ་གསོལ། དེ་བཞིན་གཤེགས་པ་རྣམས་ཐམས་ཅད
129b3 ནི་དོན་མེད་པར་གསུང་བར་བྱེད་པ་མ་ལགས་ན། བཅོམ་ལྡན་འདས་བྱམས་པའི་སེམས་དང་། བདག་ཅག་དང་། སེམས་ཅན་ཐམས་ཅད་ལ་རྗེས་སུ་བརྩེ་བ་ཉེ་བར་གཟུང་ནས་དེ་གསུང་དུ་གསོལ
129b4 དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ཆེན་པོ་ལ་སངས་རྒྱས་ཀྱི་སྤྱན་གྱིས་རྣམ་པར་གཟིགས་ནས། རྣམ་པར་དག་པའི་ཡུལ་ལ་འོད་ཟེར་རྣམ
129b5 པར་འཕྲོ་བ་རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ། ། སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཀྱི་མཛོད་སྤུ་ནས་མེ་ཏོག་ལྟ་བུའི་བྱང་ཆུབ་སེམས་དཔའ་རྣམ
129b6 ཀུན་ཏུ་སྐུལ་བར་བྱེད་པ་ཞེས་བྱ་བའི་འོད་ཟེར་བྱེ་བ་ཁྲག་ཁྲིག་བརྒྱ་སྟོང་གིས་ཡོངས་སུ་བསྐོར་བ་ཉིད་ཀྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན
129b7 གྱི་ཁམས་མཐའ་ཡས་པ་འདས་ནས་ནུབ་ཕྱོགས་ཀྱི་ཆར་གངྒཱའི་ཀླུང་བརྒྱ་སྟོང་ཕྲག་གི་བྱེ་མ་དང་མཉམ་པའི་འཇིག་རྟེན་གྱི་ཁམས་ལས་འདས་པ་ན། བདེ་བ་ཅན་ཞེས་བྱ་བའི་འཇིག་རྟེན་གྱི་ཁམས་ཀྱི་རྗེས་སུ
iiif viewer powered by OpenSeadragon
