| e-texts navigator |
| Wylie |
129a1 ན་རབ་ཏུ་བཞུགས་ཏེ། ངོ་མཚར་རྨད་དུ་བྱུང་བ་བསམ་གྱིས་མི་ཁྱབ་པས་རབ་ཏུ་ཕྱེ་བའི་བྱང་ཆུབ་སེམས་དཔའ་འདུས་པའི་དཀྱིལ་འཁོར་དང་ལྡན་པར་བཞུགས་སོ།། དེ་ནས
129a2 བཅོམ་ལྡན་འདས་ཀྱིས། གནས་གཙང་མའི་རིགས་ཀྱི་ལྷའི་བུ་རྣམས་ལ་བཀའ་སྩལ་པ། ལྷའི་བུ་ཁྱེད་རྣམས་ཉོན་ཅིག། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང
129a3 ཕྱུག་གི་རྨད་དུ་བྱུང་བ་བསམ་གྱིས་མི་ཁྱབ་པའི་ཆོ་འཕྲུལ་གྱི་སྤྱོད་པ་ཏིང་ངེ་འཛིན་དང་། རྫུ་འཕྲུལ་གྱི་ཁྱད་པར་རྣམ་པར་ཐར་པའི་དཀྱིལ་འཁོར་བྱང་ཆུབ་སེམས་པའི་རྣམ་པར་འཕྲུལ་པ་སེམས་ཅན
129a4 ཐམས་ཅད་ཉེ་བར་འཚོ་བར་བྱེད་པ་དང་། ཚེ་དང་། ནད་མེད་པ་དང་། དབང་ཕྱུག་དང་། ཡིད་ཀྱི་ཤིང་རྟ་ཡོངས་སུ་རྫོགས་པར་བྱེད་པའི་རིག་སྔགས་དང་གསང་སྔགས་ཀྱི་གཞི་སེམས་ཅན་ཐམས་ཅད
129a5 ལ་ཕན་པའི་ཆེད་དུ་བཤད་ཀྱིས། དེ་ལེགས་པར་ཉོན་ལ་ལེགས་པར་ཡིད་ལ་གྱིས་ཤིག། ངས་བཤད་དོ།། དེ་ནས་བཅོམ་ལྡན་འདས་ལ་ལེགས་སོ་ཞེས་སོ།། དེ་ནས་གནས་གཙང་མའི་རིས་ཀྱི
129a6 ལྷའི་བུ་དེ་རྣམས་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྤྱོད་པ་ཏིང་ངེ་འཛིན་གྱི་ཁྱད་པར་ས་སོ་སོར་ཐོབ་པར
129a7 བྱེད་པ། རྡོ་རྗེའི་གདན་གནོན་པར་བྱེད་པ། བདུད་འདུལ་བར་བྱེད་པ། ཆོས་ཀྱི་འཁོར་ལོ་རབ་ཏུ་སྐོར་བར་བྱེད་པ། ཉན་ཐོས་དང་རང་སངས་རྒྱས་ཐམས་ཅད་ངེས་པར་འབྱུང་བར་བྱེད་པ། ལྷ་དང་མ
iiif viewer powered by OpenSeadragon
