| e-texts navigator |
| Wylie |
121b1 འཇིག་བྱེད་མ། ། དྲག་དང་བརྟུལ་ཞུགས་ཆེན་མོ་མ།། འགྲོ་ལ་གཅིག་ཏུ་ཕན་པར་བརྩོན།། སྐྱབས་བྱེད་གུས་ལ་གསོང་བ་མོ།། ངག་གི་དབང་ཕྱུག་ཞི་ཕྲ་མ།། རྟག་མ་ཀུན་འགྲོ་རྗེས་འགྲོ་མ།། དོན་ཀུན
121b2 སྒྲུབ་བྱེད་བཟང་མོ་མ། ། གསང་བྱེད་གསོ་བྱེད་ནོར་སྟེར་མ།། མི་འཇིགས་བསོད་ནམས་གཽ་ཏ་མ།། སྤྱན་རས་གཟིགས་དབང་བདག་ཉིད་སྐྱེས།། མཚན་བརྒྱ་རྩ་བརྒྱད་འདི་དག་ནི།། ཕན་པར་བྱེད་པར
121b3 གྲགས་པ་སྟེ། ། མཆོག་ཏུ་རྨད་བྱུང་གསང་བའོ།། ལྷ་ཡུལ་ན་ཡང་རྙེད་དཀའ་བ།། སྐལ་བཟང་སྐལ་བ་དང་ལྡན་བྱེད།། དུག་ནི་ཐམས་ཅད་ཉམས་བྱེད་ལ།། ནད་ནི་ཐམས་ཅད་ཞི་བྱེད་མ།། སེམས
121b4 ཅན་ཀུན་ལ་བདེ་སྟེར་མ། ། བློ་ལྡན་གང་ཞིག་ལན་གསུམ་ཀློག། མཉམ་བཞག་གཙང་སྦྲ་བྱས་པ་ཡིས།། དེས་ནི་དུས་མི་རིང་བ་རུ།། རྒྱལ་སྲིད་དཔལ་ཡང་ཐོབ་པར་འགྱུར།། རྟག་ཏུ་སྡུག་པའང
121b5 བདེ་བར་འགྱུར། ། བཀྲེན་པ་ཕྱུག་པོར་འགྱུར་བའོ།། རྨོངས་པ་ཤེས་རབ་ཆེན་པོར་འགྱུར།། ཡིད་གཞུངས་འགྱུར་བ་ཐེ་ཚོམ་མེད།། བཅིངས་པ་བཅིངས་ལས་གྲོལ་བར་འགྱུར།། ཐ་སྙད་ལས་ཀྱང
121b6 རྒྱལ་བར་འགྱུར། ། དགྲ་བོ་བཤེས་པོར་འགྱུར་བ་སྟེ།། རྭ་ཅན་དང་ནི་མཆེ་བ་ཅན།། དོག་པའི་འཐབ་མོ་རྒྱལ་དཀའ་དང་།། སྣ་ཚོགས་འཇིགས་པ་འཁྲུག་པ་ལས།། མཚན་ནི་འདི་རྣམས་དྲན་པ
121b7 ཡིས། ། འཇིགས་པ་ཀུན་ལས་སྒྲོལ་བར་བྱེད།། དུས་མིན་འཆི་ལས་སྒྲོལ་བར་བྱེད།། སྐྱེས་བུ་སྙན་པ་ཐོབ་པར་བྱེད།། མི་ནི་སྨྲ་བ་དོན་དང་བཅས།། ངགཅག་པུ་ཡི་ཕན་ཡོན་གྱིས།། གང་ཞིག་འདི་ན
iiif viewer powered by OpenSeadragon
