| e-texts navigator |
| Wylie |
119a1 པདྨ་དང་། ཀུ་མུ་ད་ལ་སོགས་པས་བཅོམ་ལྡན་འདས་ལ་གཏོར་ཏོ།། ལྷ་རྫས་ཀྱི་རོལ་མོའི་སྒྲ་དུ་མའང་བསྒྲགས་སོ།། དེ་ནས་བཅོམ་ལྡན་འདས་ལ་གསོལ་པ། དམ་ཚིག་ཀྱང་ག
119a2 གིས་འགྲུབ་པར་འགྱུར་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། སོ་སོའི་དམ་ཚིག་སྡོམ་གནས་ཏེ།། ལྷ་ཡི་འཁོར་ལོ་དང་ལྡན་པས།། སྲོག་ཆགས་དག་ནི་གསད་པ་སྤང་།། མ་བྱིན་པ་དག་མི
119a3 བླང་ཞིང་། ། བུད་མེད་མི་བསྟེན་སྨད་མི་བྱ།། བརྫུན་ནི་རྣམ་པ་ཀུན་ཏུ་སྤང་།། མྱོས་གྱུར་དག་དང་ཤ་དག་དང་།། དཀུ་ཞིང་རྣམ་པ་རྟག་ཏུ་སྤང་།། མོ་རྣམས་ཐམས་ཅད་ཀུན་ལ་ནི།། ཆགས་པའི་སེམས་ཀུན་སྤང་བ་སྟེ།།
119a4 མ་བཞིན་དུ་ནི་ཀུན་ལ་ནི།། ཕན་པའི་སེམས་ཀྱིས་ཀུན་ལ་བཀུར།། དམ་ཚིག་སྡོམ་པ་གནས་པ་ཡི།། ལས་རྣམས་ཀུན་ལ་མཐུ་ཡོད་འགྱུར།། ཞེས་བཅོམ་ལྡན་འདས་ཀྱིས་གསུངས་སོ།། དམ་ཚིག་དང་སྡོམ་པ་བསྟན
119a5 བའི་ལེའུ་སྟེ་སུམ་ཅུ་རྩ་ལྔ་པའོ། ། ། དེ་ནས་ལྷའི་དབང་པོ་བརྒྱ་བྱིན་དང་ཚངས་པ་ལ་སོགས་པ་ལྷ་དཔག་ཏུ་མེད་པ་དང་། བྱང་ཆུབ་སེམས་དཔའ་འཇམ་དཔལ་གཞོན་ནུ་ལ་སོགས་པའི་འཁོར
119a6 དཔག་ཏུ་མེད་པ་དག་དང་། ལྷ་དང་། མི་དང་། ལྷ་མ་ཡིན་དང་བཅས་པ་རྗེས་སུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། བཅོམ་ལྡན་འདས་མ་སྒྲོལ་མའི་རྒྱུད་ལས་སྣ་ཚོགས་བསྟན
119a7 པ་ཞེས་བྱ་བ་རྫོགས་སོ། ། །། རྒྱ་གར་གྱི་མཁན་པོ་དྷརྨཱ་ཤྲཱི་མི་ཏྲ་དང་། ལོ་ཙ་བ་དགེ་སློང་ཆོས་ཀྱི་བཟང་པོས་བསྒྱུར་བའོ།། །
iiif viewer powered by OpenSeadragon
