| e-texts navigator |
| Wylie |
115a1 མེད་པ་ལ་སོགས་པའི་སྡིག་པ་ཞི་བར་འགྱུར་རོ། ། ནད་འགོ་བ་དང་གདོན་ལ་སོགས་པ་ཐམས་ཅད་ཞི་བར་འགྱུར་རོ།། སྐྱེ་བ་ཐམས་ཅད་དུ་ཚེ་རབས་དྲན་པར་འགྱུར་རོ།། འཇམ
115a2 དཔལ་བའི་རྣམ་པ་ལྔས་བྱུག་པ་བྱུགས་ཏེ། མེའི་ཁང་པ་དྲི་དང་ལྡན་པའི་ཁང་པར་སྤ། ཚིལ་ལ་གཟུགས་བྲིས་པ་དང་བཅས་པ་སྔགས་འདིས་སྲེག་གོ།། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཞེས་བྱ་བས་སྲེག་ན
115a3 དབང་དུ་འགྱུར་ཞིང་ཚར་བཅད་པར་ཡང་འགྱུར་རོ། ། སྦྱིན་སྲེག་གི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་ཀྱིས་འཛུམ་པ་མཛད་དེ། བྱང་ཆུབ་སེམས
115a4 དཔའ་འཇམ་དཔལ་གཞོན་ནུ་ལ་འཁོར་ལོའི་རིམ་པ་བཀའ་སྩལ་ཏོ། ། འཁོར་ལོ་ལེ་ཙེ་དགུ་པ་ལ་ཨོཾ་དང་ཧཱ་གཉིས་དབུས་སུ་ཆེ་གེ་མོ་དང་བཅས་པ་བྲི། རཀྵཿརཀྵཿ། ཞེས་བྱ་བ་ནི་སྲུང་བའོ།། ཕྱོགས
115a5 མཚམས་སུ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བ་བྲིས་ཏེ་ཀུན་ལ་སྭཱ་ཧཱའི་བར་བཅུག་པ་གྲོ་ག་ལ་གུར་ཀུམ་གྱིས་བྲིས་ནས་དཔུང་པ་ལ་བཏགས་པ་ནི་སྲུང་བའི་མཆོག་གོ།། ཞི་བའི་སྲུང་བའི་འཁོར་ལོའི
115a6 ལེའུ་སྟེ་བཅོ་བརྒྱད་པའོ། ། ། དེ་ནས་དབང་གི་སྲུང་བ་ནི་འཁོར་ལེ་ཙེ་དགུ་པ་ཨོཾ་དང་ཧ་གཉིས་དབུས་སུ་ཆེ་གེ་མོ་དང་བཅས་པ་བྲི། རཀྵཿརཀྵཿཞེས་བྱ་བ་ནི་སྲུང་བའོ།། ཕྱོགས
115a7 མཚམས་སུ། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བ་བྲིས་ཏེ་ཀུ་མུ་དང་མུའི་བར་དུ་ས་བོན་ནོ།། དེ་གྲོག་དམར་པོ་ལ་རྒྱ་སྐྱེགས་ཀྱི་ཁུ་བས་བྲིས་ཏེ་ལྟེ་བར་མི་མངོན་པར་བཏགས་ན་སྲུང་བའི་མཆོག་ཏུ
iiif viewer powered by OpenSeadragon
