| e-texts navigator |
| Wylie |
114b1 རོ་ཕྲག་དོག་མེད་པར་འགྱུར་རོ། ། ལས་ཀྱི་རིགས་ཀྱི་ཡུམ་གྱི་ལེའུ་སྟེ་བཅུ་དྲུག་པའོ།། །། དེ་ལྟར་ལས་ཀྱི་བྱེ་བྲག་བསྟན་ནས་འཇམ་དཔལ་གཞོན་ནུར་གྱུར་པས་ལས་ཐམས
114b2 ཅད་ཀུན་རྫོགས་པར་སྦྱིན་སྲེག་ཇི་ལྟར་དུ་བྱ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཐམས་ཅད་ཀྱི་ཏྲོན་དུ་འགྲོ་ཞིང་སོ་སོར་ལས་སྒྲུབ་པའི་ཕྱིར་སྦྱིན་སྲེག་བྱའོ།།
114b3 དེ་ལས་དང་པོ་ཞི་བའི་ལས་བྱ་བ་ནི་ཚེས་གསུམ་པའི་ཟླ་བ་ལ་ཁ་དོག་དང་མཐུན་པའི་ཁང་བུ་བྱས་ཏེ་རྡོ་རྗེ་དཀར་པོ་དགོད་པར་བྱའོ།། བུད་ཤིང་ནི་ཙན་དན་དཀར་པོའི་ཤིང་ལ་སོགས་པས་བྱའོ།། དེ་ལ་མེ
114b4 སླར་ཏེ་སྐུ་གཟུགས་མདུན་དུ་བཞག་སྟེ། འབྲས་དང་། ཁྲེ་དང་། ཅུ་རྩེ་དང་། ཏིལ་དཀར་པོ་ལ་སྔགས་གདབ་པ་ནི། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ལན་བདུན་ནམ་ཉི་ཤུ་རྩ་གཅིག་ཏུ་བཟླས་ཏེ་མེའི་ནང
114b5 དུ་གཏོར་བར་བྱའོ། ། ཞོ་དང་འོ་མ་ལ་སྔགས་བཏབ་སྟེ། ཤཱནྟི་ཀུ་རུ་དང་བཅས་པས་དབུལ་བར་བྱའོ།། འོ་མ་ཅན་གྱི་ཤིང་དང་མར་དཀར་པོ་ལ་ནི་སརྦ་པཱ་པཾ་དང་བཅས་པས་དབུལ་ལོ།། འཇམ་དཔལ་མེ
114b6 ཏོག་དཀར་པོ་དང་བཅས་པའི་མེའི་ཁང་པར་ཙན་དན་ལ་སོགས་པ་དྲི་ཞིམ་པོའི་ཤིང་ལ་མེ་སྦར་ཏེ། སྐུ་གཟུགས་མདུན་དུ་བཞག་ལ་ཆུ་དང་ཡུངས་ཀར་ལ་བསྔགས་ཏེ་མེར་གཏོར་བའི་སྔགས་ནི།
114b7 ཏདྱ་ཐཱ། ཨོཾ་སརྦ་ཏ་ཐཱ་ག་ཏ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བྱ་བའི་སྔགས་དང་། སརྦ་པཱ་པཾ་ཤཱནྟིཾ་ཀུ་རུ་སྭཱཧཱ། ཞེས་བྱ་བས་ཆུ་ཁྱོད་མ་བརྒྱ་རྩ་བརྒྱད་དབུལ་བར་བྱའོ།། འཇམ་དཔལ་དེའི་ཕན་ཡོན་ནི་མཚམ
iiif viewer powered by OpenSeadragon
