| e-texts navigator |
| Wylie |
112b1 ཡུམ་གྱི་ལེའུ་སྟེ་བཅུ་གཉིས་པའོ། ། ། འཇམ་དཔལ་པདྨའི་རིགས་ཀྱི་ཡུམ་ནི་ཞལ་བཞི་ཕྱག་བརྒྱད་པ། རྩ་བའི་ཞལ་ནི་དམར་མོ།། བན་དུ་ཀའི་མེ་ཏོག་གི་མདོག་གི་སྐུ། གཞོན་ནུ
112b2 ལང་ཚོ་ལ་བབ་པ། གཡས་དཀར་པོ།། གཡོན་གྱི་ཞལ་ནག་པོ།། རྒྱབ་ཀྱི་ཞལ་སེར་པོ།། རིགས་བཞིས་དབུ་ལ་མཚན་པ། སྤྱན་གསུམ་པའོ།། ཕྱག་བརྒྱད་ན་པདྨ་དང་། མདའ་དང་། མདུང་དང་། ཐ་མ
112b3 མཆོག་སྦྱིན་གྱི་ཕྱག་རྒྱའོ། ། ཨུཏྤ་ལ་དང་། གཞུ་དང་། རྡོ་རྗེ་ལྕགས་ཀྱུ་དང་། ཞགས་པ་དང་། སྡིགས་མཛུབ་ནི་གཡོན་པའི་ཕྱག་རྒྱའོ།། རྡོ་རྗེ་སྐྱིལ་མོ་ཀྲུང་གིས་བཞུགས་ཤིང་ཆོས་ཀྱི་སྐུའི་རང་བཞིན་ཅན་ནོ།།
112b4 འཇམ་དཔལ་དེའི་སྔགས་ནི་འདིའོ།། ན་མོ་རཏྣ་ཏཱ་ཡཱ་ཡ། ན་མ་ཨཱརྱ་ཛྙཱ་ན་སཱ་ག་རཱ་ཡ། ཨ་མི་ཏ་དེ་བ་བྱཱ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀ་སཾ་བུདྡྷ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི
112b5 སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་ཏུཏྟཱ་རེ་ཏུ་རེ་ཏུ་སྭཱ་ཧཱ། ཞེས་བརྗོད་པས་པདྨའི་རིགས་ཐམས་ཅད་ཀྱིས་མེ་ཏོག་དང་། བདུག་སྤོས་དང་། མར་མེ་དང་། དྲི་ཆབ་དང་། ཞལ་ཟས
112b6 ཀྱིས་མཆོད་དོ། ། འཇམ་དཔལ་དེའི་ལས་ནི་འདིའོ།། ད་དུ་ར་དང་། ནིམ་པ་དང་། མྱ་ངན་འཚང་གི་མེ་ཏོག་བཏགས་ཏེ་ཕྱེ་མ་སྦྲང་རྩི་དང་ལྡེ་གུ་བྱས་ནས་སྔགས་འདི་བརྗོད་པར་བྱའོ།། ཨོཾ་ཨ་མུ་ཀ་ཨ་མི
112b7 ཏ་ནཾ། ཀུ་མཱ་རི་མ་ཧཱ་མུ་དྲ་བ་ཧེ་ན་ད་སྱ་བ་ཏི་པ་ཡ་ཙ་ཏུ་ཧཱུཾ་ཧྲཱི། ཞེས་བརྗོད་ནས་ལུས་ལ་བྱུགས་ན་རང་དབང་མེད་པར་ཁུགས་པར་འགྱུར་རོ།། པདྨའི་རིགས་ཀྱི་ཡུམ་གྱི་ལེའུ་སྟེ་བཅུ་གསུམ་པའོ།།
iiif viewer powered by OpenSeadragon
