| e-texts navigator |
| Wylie |
110b1 ། འཇམ་དཔལ་དྲག་པོའི་ལས་བྱ་བར་འདོད་ན། གནས་ནི་དུར་ཁྲོད་དམ། ཤིང་གཅིག་གམ། ཆུ་བོ་ཆེན་པོའི་འགྲམ་མ་མ། གཙུག་ལག་ཁང་དུ་བྱའོ།། ཁང་པ་དེར་བའི་རྣམ་ལྔས
110b2 ཆག་ཆག་བཏབ་སྟེ་དྲི་ཞིམ་པོའི་ཆུས་མཎྜལ་བྱའོ། ། སྐུ་གཟུགས་ལ་སོགས་པའང་དགྲམ་པར་བྱའོ།། གྲོ་ག་འམ། རས་སམ། ཤིང་ཤུན་ལ་རྒྱལ་པོ་ལ་སོགས་པའི་གཟུགས་ནིམ་པའི་ཆུས་བྲིས
110b3 ལ་མཎྜལ་གྱི་སྟེང་དུ་ཁམ་པའི་གའུར་གཞག་པར་བྱའོ། ། དེ་ནས་མཎྜལ་གྱི་སྟེང་དུ་གཞག་པར་བྱའོ།། པོག་པོར་ལ་སོགས་པའི་མཆོད་པའང་བཤམ་པར་བྱའོ།། དེ་ནས་བསམ་གཏན་བསྒོམ་པར་བྱ་སྟེ།
110b4 ཡི་གེ་ཏཾ་ལས་བསྐྱེད་པའི་མྱུར་བའི་བརྩོན་འགྲུས་དང་ལྡན་པའི་ཡུམ་སྒྲོལས་དཔའ་མོ་རྣལ་འབྱོར་མའི་ལུས་སུ་བསྒོམ་པ་ནི། པདྨ་རྒྱས་པ་ལས་བྱུང་ཞིང་ཉི་ཟླའི་སྟེང་ན་བཞུགས་པ། སྐུ་མདོག་ལྗང་ཁུ་ཀུན
110b5 ནས་གསལ་བ་གཞོན་ནུ་ལང་ཚོལ་བབ་པའི་སྐུ། དོ་ཤལ་དང་། དཔུང་རྒྱན་དང་། རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས་ཀྱིས་སྨད་དཀྲིས་པ། ཀ་ཤི་ཀའི
110b6 གོས་ཀྱིས་སྟོད་གཡོགས་པ། གཡས་བརྐྱང་བ་གཡོན་བསྐུམ་པས་བཞུགས་པ། ཞལ་གཅིག་པ། ཕྱག་གཉིས་པ། ཞལ་མཆེ་བ་གཙིགས་པ། སྤྱན་ནི་རབ་ཏུ་འབར་ཞིང་དབུ་སྐྲ་གྱེན་དུ་བཛེས་པ། དབུའི
110b7 ཟླ་བའི་སྟེང་ན་ཨ་མི་དེ་བ་དང་བཅས་པ་བསྐལ་པའི་མེ་དཔུང་ན་བཞུགས་པ། ཕྱག་གཡས་ན་འཁོར་ལོ་འཛིན་པ། གཡོན་ན་སྡིགས་མཛུབ་དང་བཅས་པའི་ཨུཏྤལ་འཛིན་པ། སྐུ་ལས་ཁྲོ་བོ་འཕྲོ་བ་ཁྲོ
iiif viewer powered by OpenSeadragon
