| e-texts navigator |
| Wylie |
110a1 ཆེའི་གའུར་བཅུག་ལ་མཎྜལ་གྱི་དབུས་སུ་གཞག་པར་བྱའོ། ། དེ་ནས་བསམ་གཏན་སྒོམ་པ་ནི་ཏཾ་ལས་བྱུང་བའི་མྱུར་བའི་བརྩོན་འགྲུས་དང་ལྡན་པའི་ཡུམ་སྒྲོལ་མ་དཔའ
110a2 མོ་རྣལ་འབྱོར་མའི་ལུས་སུ་བསྒོམ་པ་ནི། པདྨ་ལས་བྱུང་ཞིང་ཉི་མའི་སྟེང་ན་སྐུ་མདོག་བན་དུ་ཀའི་མེ་ཏོག་ལྟར་དམར་བ། གཞོན་ནུ་ལང་ཚོ་ལ་བབ་པ་ལྟ་བུའི་སྐུ། དོ་ཤལ་དང་། དཔུང་རྒྱན
110a3 དང་། རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས་ཀྱིས་སྨད་དཀྲིས་པ། ཀ་ཤི་ཀའི་རས་ཀྱིས་སྟོད་གཡོགས་པ། འགྱིང་བག་གི་ཚུལ་གྱིས་བཞེངས་པ། ཞལ
110a4 གཅིག་ཕྱག་གཉིས་པ། ཞལ་བཞད་ཅིང་ཆེར་བཞད་པ། སྤྱན་འཁྱུག་པ། ཕྱག་གཡས་ཀྱིས་ཐུགས་ཀ་ན་འདུད་པ། གཡོན་ན་སྡོང་བུ་དང་བཅས་པའི་ཨུཏྤལ་འཛིན་པ། སྐུ་ལས་འོད་འཕྲོ་བ
110a5 དང་བཅས་པ་ལས་རང་དང་མཐུན་པའི་འོད་འཁྲུག་པ་དང་བཅས་པའི་སྐུ་བྱང་ཆུབ་སེམས་དཔའ་དཔག་ཏུ་མེད་པ་དང་བཅས་པ་བསམས་ཏེ་བཟླས་པ་འདི་བྱའོ། ། ཨོཾ་ཏུཏྟཱ་རེ་ཏུ་རེ་སྭཱ་ཧཱ། ཞེས
110a6 བཟླས་པར་བྱའོ། ། དེ་ནས་ལས་ཀྱི་སྔགས་དང་བཅས་པ་ལ་ལན་གཅིག་གམ། བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བཟླས་ནས་གསོལ་བ་བཏབ་ན་འགྲུབ་པར་འགྱུར་རོ།། འཇམ
110a7 དཔལ་དེའི་ཕན་ཡོན་ནི་ས་བདག་གི་རྒྱལ་པོ་ལ་སོགས་པ་འཇིག་རྟེན་གསུམ་པོ་ཐམས་ཅད་དབང་དུ་འགྱུར་རོ། ། ཐམས་ཅད་ཁུགས་པར་འགྱུར་རོ།། དབང་གི་ལས་ཀྱི་ལེའུ་ཞེས་བྱ་སྟེ་དགུ་པའོ།།
iiif viewer powered by OpenSeadragon
