| e-texts navigator |
| Wylie |
109b1 དེ་ནས་ལས་ཀྱི་སྔགས་དང་བཅས་པས་ལན་གཅིག་གམ། བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བརྗོད་ནས་གསོལ་བ་བཏབ་ན་འགྲུབ་པར་འགྱུར་རོ།། འཇམ་དཔལ་དེའི་ཕན་ཡོན་ནི་ལྷའི་ཚོགས།
109b2 དང་། ལྷ་མ་ཡིན་གྱི་ཚོགས་དང་། མི་འམ་ཅིའི་ཚོགས་དང་། ནམ་མཁའ་ལྡིང་གི་ཚོགས་དང་། མིའི་ཚོགས་དང་། དྲི་ཟའི་ཚོགས་དང་། ལྟོ་འཕྱེའི་ཚོགས་དང་། སྲིན་པོ་ལ་སོགས་ཐམས་ཅད་ཀྱིས
109b3 དེའི་སྟོབས་ཐུབ་པར་མི་འགྱུར་ལ། སྲུང་བ་དང་སྐྱོབ་པའང་བྱེད་པར་འགྱུར་རོ།། དུས་མ་ཡིན་པའི་འཆི་བ་དང་། རྩོད་པ་དང་། རྨི་ལམ་ངན་པ་དང་། ལྟས་ངན་པ་དང་། རིམས་དང་། འབྲུམ་བུ་དང་།
109b4 གཡན་པ་ལ་སོགས་པས་མི་ཚུགས་སོ།། ནམ་འཆི་བའི་ཚེའང་སྟོབས་དང་ལྡན་པར་འགྱུར་རོ།། ངན་སོང་གསུམ་དུ་མི་འགྱུར་རོ།། འཇམ་དཔལ་ལས་དེས་ཡོ་བྱད་དང་། ཚེ་དང་། བཀྲག་དང་།
109b5 སྟོབས་དང་ལྡན་པར་འགྱུར་རོ།། དེ་བཞིན་གཤེགས་པ་མཐོང་བ་དང་སྟོ་དང་ལྡན་པར་འགྱུར་རོ།། རྒྱས་པའི་ལེའུ་སྟེ་བརྒྱད་པའོ།། །། འཇམ་དཔལ་དབང་དུ་བསྡུ་བའི་ལས
109b6 ནི་འདིའོ། ། དུར་ཁྲོད་དམ། ཤིང་གཅིག་གམ། ཆུ་ཆེན་པོའི་འགྲམ་དུའམ། གཙུག་ལག་ཁང་དུ་བྱའོ།། ཁང་པ་དེར་བའི་རྣམ་ལྔས་སྐྱང་ནུལ་བྱས་ཏེ་དྲི་ཞིམ་པོས་བྱུག་པའི་མཎྜལ་ལ་མེ་ཏོག
109b7 སིལ་མ་དགྲམ་པར་བྱའོ། ། ཡུམ་གྱི་སྐུ་གཟུགས་ཀྱང་བཞུགས་ཏེ་པོག་པོར་དང་མེ་ཏོག་ལ་སོགས་པའང་བཤམ་པར་བྱའོ།། མེ་ཏོག་དང་འབྲས་བུ་ནུས་པ་དང་ལྡན་པའི་རྫས་དག་རིན་པོ
iiif viewer powered by OpenSeadragon
