| e-texts navigator |
| Wylie |
109a1 པ་དག་ལ་རིལ་བུ་ཉི་ཤུ་རྩ་གཅིག་བྱས་ཏེ། རིན་པོ་ཆེའི་གའུར་བཅུག་ལ་མཎྜལ་གྱི་དབུས་སུ་གཞག་པར་བྱའོ།། བོག་བོར་བཞིའང་གཞག་པར་བྱའོ།། མེ་ཏོག་ལ་སོག
109a2 པའང་བཞག་པར་བྱས་ནས་བསམ་གཏན་བསྒོམ་པར་བྱ་སྟེ། ཡི་གེ་ཏཾ་ལས་སྐྱེས་པའི་མྱུར་བའི་བརྩོན་འགྲུས་དང་ལྡན་པའི་ཡུམ་སྒྲོལ་མ་དཔའ་མོ་གཅིག་མ་རྣལ་འབྱོར་མའི་ལུས་སུ་བསྒོམ
109a3 པ་ནི། པདྨ་རྒྱས་པ་ལས་བྱུང་ཞིང་ཉི་ཟླའི་སྟེང་དུ་རྒྱས་པའི་སྐུ་སྟོན་ཀའི་ཟླ་བ་ལྟར་གསལ་བའི་སྤྲིན་དང་བྲལ་བའི་ཉི་མ་ལྟ་བུར་གཞོན་ནུ་ལང་ཚོལ་བབ་པ་ལྟ་བུའི་སྐུ་མདོག་སེར་པོ་དོ་ཤལ་དང་། དཔུང
109a4 རྒྱན་དང་། རིན་པོ་ཆེའི་ཆུན་འཕྱང་ལ་སོགས་པས་མཛེས་པར་བརྒྱན་པ། པཉྩ་ལི་ཀའི་གོས་ཀྱིས་སྨད་དཀྲིས་པ། ཀ་ཤི་ཀའི་རས་ཀྱིས་སྟོད་གཡོགས་པ། སྐྱིལ་ཀྲུང་བྱེད་པ་དང་བཅས་པ། ཞལ
109a5 གཅིག་ཕྱག་གཉིས་པ། ཞལ་འཛུམ་ཞིང་སྤྱན་འཁྱུག་པ། ཕྱག་གཡས་པ་མཆོག་སྦྱིན་མཛད་པ། གཡོན་པ་ཨུཏྤལ་སྡོང་བུ་དང་བཅས་པ་འཛིན་པ། སྐུ་ལས་འོད་འཕྲོ་ཞིང་པདྨའི་གེ་སར་དང་བཅས
109a6 པའི་དཀྱིལ་ན་བདུད་རྩིའི་རྒྱུན་སྐུ་ལས་འོད་འཕྲོ་བ་ལྷའི་ཚོགས་དང་། ལྷ་མ་ཡིན་གྱི་ཚོགས་དང་། ནམ་མཁའ་ལྡིང་གི་ཚོགས་དང་། མི་འམ་ཅིའི་ཚོགས་དང་། དྲི་ཟའི་ཚོགས་དང་། ལྟོ་འཕྱེ་ཆེན་པོ
109a7 ། ཚོགས་དང་། སྲིན་པོའི་ཚོགས་ཀྱི་སྟོབས་ཟིལ་གྱིས་གནོན་པའི་བྱང་ཆུབ་སེམས་དཔའ་དཔག་ཏུ་མེད་པ་དང་བཅས་པ་བསྒོམས་ཏེ་བཟླས་པ་འདི་བྱའོ།། ཨོཾ་ཏཱ་རེ་ཏཱ་རེ་ཏུཏྟཱ་རེ་སྭཱ་ཧཱ། ཞེས་བཟླས་པར་བྱའོ།།
iiif viewer powered by OpenSeadragon
