| e-texts navigator |
| Wylie |
108b1 ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་བཟླས་པར་བྱའོ།། དེ་ནས་ལས་ཀྱི་སྔགས་དང་བཅས་པ་ནི་གཅིག་གམ། བདུན་ནམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བཟླས་ནས་གསོལ་བ་བཏབ
108b2 ན་འགྲུབ་པར་འགྱུར་རོ། ། འཇམ་དཔལ་དེའི་ཕན་ཡོན་ནི་མཚམས་མེད་པ་ལྔ་དང་། དེ་དང་ཉེ་བ་དང་། སྡང་བ་དང་། རྨི་ལམ་ངན་པ་ཐམས་ཅད་ཞི་བར་འགྱུར་རོ།། འཇམ་དཔལ
108b3 དེའི་ཕན་ཡོན་ནི་ངན་སོང་གསུམ་གྱི་སྡུག་བསྔལ་ཞི་བར་འགྱུར་རོ། ། མི་ཁོམ་པ་བརྒྱད་དུ་ནམ་ཡང་སྐྱེ་བར་མི་འགྱུར་རོ།། འཇམ་དཔལ་དེའི་ཕན་ཡོན་ནི་ཚེ་རབས་དྲན་པ་དང་། དབང
108b4 པོ་གསལ་བ་དང་། ཡིད་གཞུངས་པར་འགྱུར་རོ།། བཟོའི་གནས་ཐམས་ཅད་ལ་མཁས་པར་འགྱུར་རོ།། སྟོབས་དང་། མདངས་དང་། གཟི་བརྗིད་ཕུན་སུམ་ཚོགས་པར་འགྱུར་རོ།། །
108b5 འཇིག་རྟེན་སྐྱོང་བ་ཐམས་ཅད་སྲུང་བ་དང་། སྐྱོབ་པ་དང་། སྲེད་པ་དང་། ཕན་པ་བྱེད་དེ། གང་དུ་ཕྱིན་པ་ཐམས་ཅད་དུ་བཀྲ་ཤིས་པར་འགྱུར་རོ།། ཞི་བའི་ལས་ཀྱི་ལེའུ་སྟེ་བདུན
108b6 པའོ། ། ། འཇམ་དཔལ་རྒྱས་པའི་ལས་ནི་འདིའོ།། སྤོས་ཀྱི་ཁང་པ་དྲི་ཞིམ་པོ་དང་ལྡན་པའི་གནས་སུ་བ་སེར་སྐྱའི་རྣམ་ལྔས་སྐྱང་ནུལ་བྱས་ཏེ་དྲི་ཞིམ་པོས
108b7 བྱུགས་པའི་མཎྜལ་བྱའོ། ། མེ་ཏོག་གི་ཆོམ་བུའང་དགྲམ་པར་བྱའོ།། རྒྱས་པ་ལས་བྱུང་བའི་ཐང་ཀའང་དགྲམ་པར་བྱའོ།། རིན་པོ་ཆེ་རྣམ་པ་ལྔ་དང་། འབྲུ་དང་། སྨན་ལ་སོགས
iiif viewer powered by OpenSeadragon
