| e-texts navigator |
| Wylie |
106a1 སྤྲུལ་པ་ལྟ་བུ་དང་། སྒྱུ་མ་དང་། འཇའ་ཚོན་དང་། སྨིག་རྒྱུ་དང་། ཆུ་ཟླ་དང་། གཟུགས་བརྙན་ལྟ་བུར་རིག་པར་བྱའོ།། ལྷའི་ལེའུ་སྟེ་བཞི་པའོ།། །
106a2 དེ་ནས་འཇམ་དཔལ་གྱིས་ཞུས་པ། བཅོམ་ལྡན་འདས་ལྷ་དེས་ལྷ་ཇི་ལྟ་བུས་བྱིན་གྱིས་བརླབ་པར་བྱ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སྤྲུལ་པ་ལྟ་བུ་དང་། སྒྱུ་མ་ལྟ་བུ་དང་།
106a3 འཇའ་ཚོན་ལྟ་བུ་དང་། སྨིག་རྒྱུ་ལྟ་བུ་དང་། ཆུ་ཟླ་ལྟ་བུ་དང་། གཟུགས་བརྙན་ལྟ་བུས་སོ།། འཇམ་དཔལ་གྱིས་གསོལ་པ། བཅོམ་ལྡན་འདས་སྤྲུལ་པ་ཞེས་བྱ་བ་ཇི་ལྟ་བུ། བཅོམ་ལྡན་འདས་ཀྱིས
106a4 བཀའ་སྩལ་པ། སྤྲུལ་པ་ཞེས་བྱ་བ་ནི་ཡང་དག་པ་མ་ཡིན་ཞིང་གཉིས་ཀ་འཁྲུལ་པའོ།། སྒྱུ་མ་ནི་གཞན་འཁྲུལ་པའོ།། འཇའ་ཚོན་ནི་སྟོང་པའོ།། སྨིག་རྒྱུ་ནི་ཡུལ་འཁྲུལ་ཅིང་སྟོང་པའོ།། ཆུཟླ
106a5 ནི་རྒྱུ་འབྲས་སོ། ། གཟུགས་བརྙན་ནི་དྲི་ཟའི་གྲོ་ཁྱེར་ཏེ། འཇམ་དཔལ་འཁྲུལ་པ་ནི་དེ་བཞིན་ཏེ་ཉོན་མོངས་པ་དང་བཅས་པའི་ཁམས་དང་དེ་བཞིན་ནོ།། འཇམ་དཔལ་དེ་ལྟ་བས་ན་ལྷས་ལྷ་ལ
106a6 བྱིན་གྱིས་བརླབས་པའང་འདྲའོ། ། འཇམ་དཔལ་སྤྲུལ་པ་དང་། སྒྱུ་མ་དང་། འཇའ་ཚོན་དང་། སྨིག་རྒྱུ་དང་། ཆུ་ཟླ་དང་། གཟུགས་བརྙན་ནི་ཐོགས་པ་མེད་ཅིང་ཐོགས་པ་དང་བྲལ་བའོ།། །
106a7 ཐ་དད་པ་མེད་ཅིང་ཐ་དད་པ་དང་བྲལ་བའོ།། འཇམ་དཔལ་དེའི་ཕྱིར་རང་བཞིན་ནི་དེ་དང་འདྲ་བར་ཡིད་ལ་གྱིས་ཤིག། དེ་ནས་བཅོམ་ལྡན་འདས་ཀྱིས་བྱིན་གྱིས་བརླབས་པ་མཛད་པ་ནི་ལག
iiif viewer powered by OpenSeadragon
