| e-texts navigator |
| Wylie |
103b1 པདྨ་འདབ་བཞི་ཁ་དོག་སྣ་ཚོགས་པ་ལ་རྡོ་རྗེ་ར་བས་བསྐོར་བ་གྲུ་ཆད་བཞི་དང་ལྡན་པས། གྲུ་བཞིར་འདུག་ཅིང་སྒོ་བཞི་ཀ་བ་བརྒྱད་དང་ལྡན་པ་དྲ་བ་དྲ་བ་བྱེད་པ་དང་། རིན་པོ་ཆེའི་ཆུན་འཕྱང་དང་། ཏཱ་ར་ཎ་ལ
103b2 སོགས་པས་མཛེས་པའོ། ། དེ་ལྟར་དཀྱིལ་འཁོར་ཁང་པ་དེ་འདྲ་བ་དེ་བསྐྱེད་དེ། དབུས་ཀྱི་ཟེ་འབྲུ་ལ་ནི་ཟླ་བ་དང་པདྨའི་སྟེང་དུ་ཏཾ་ལྗང་ཁུ་ལས་བྱུང་བའི་ཨུཏྤལ་ཏཾ་དང་བཅས་པས་འཇིག་རྟེན་གྱི་ཁམས་ཐམ
103b3 ཅད་དུ་འོད་ཁ་དོག་སྣ་ཚོགས་པས་འཇིག་རྟེན་ཐམས་ཅད་སྤྲུལ་པ་ལྟ་བུ་དང་། སྒྱུ་མ་དང་། འཇའ་ཚོན་དང་། སྨིག་རྒྱུ་དང་། ཆུ་ཟླ་དང་། གཟུགས་བརྙན་ལྟ་བུར་མཐོང་ངོ་།། དེའི་ཨུཏྤ་ལ་ལས་བྱུང་བའི་སྒྲོལ
103b4 མའི་སྐུ་ལྗང་ཁུ་ཞལ་གཅིག་ཕྱག་གཉིས་པ། ཕྱག་གཡས་ཀྱིས་མཆོག་སྦྱིན། གཡོན་སྡོང་བུ་དང་བཅས་པའི་ཨུཏྤལ་འཛིན་པ། མཛེས་པའི་སྐུ། རིན་པོ་ཆེའི་དོ་ཤལ་དང་། རྣ་ཆ་དང་། དཔུང་རྒྱན་དང་། རྒྱན་རྣམ
103b5 པ་སྣ་ཚོགས་པས་བརྒྱན་པ། གཞོན་ནུ་མ་ལང་ཚོ་ལ་བབ་པ། ཞལ་འཛུམ་བག་དང་བཅས་པ། མཉམ་པའི་སྐྱིལ་མོ་ཀྲུང་དང་བཅས་པས་ཟླ་བ་དང་པདྨའི་སྟེང་དུ་བཞུགས་པའོ།། ཤར་དུ་ཟླ་བ་དང་པདྨའི
103b6 སྟེང་དུ་ཏཾ་ལས་བསྐྱེད་པའི་ཨུཏྤ་ལ་མཐིང་ཁ་ས་བོན་དང་བཅས་པ་ལས་འཇིག་རྟེན་གྱི་ཁམས་ཐམས་ཅད་དུ་ཁྱབ་སྟེ། འོད་ཁ་དོག་སྣ་ཚོགས་པས་འཇིག་རྟེན་གྱི་ཁམས་ཐམས་ཅད་སྤྲུལ་པ་ལྟ་བུ་དང་།
103b7 སྒྱུ་མ་དང་། འཇའ་མཚོན་དང་། སྨིག་རྒྱུ་དང་། ཆུ་ཟླ་དང་། གཟུགས་བརྙན་ལྟ་བུར་མཐོང་ངོ་།། དེའི་ཨུཏྤལ་ལས་བྱུང་བའི་སྒྲོལ་མ་མཐིང་ཁ་ཕྱག་གཉིས་པ། གཡས་ཀྱིས་ཏྲི་ཤཱུ་ལ་འཛིན་པ།
iiif viewer powered by OpenSeadragon
