| e-texts navigator |
| Wylie |
102b1 འཇོམས་པའི་སྒོ་ནས་བསྟོད་པ་སྟེ། ཕན་ཡོན་ནི་བསམ་གྱིས་མི་ཁྱབ་བོ།། འཇམ་དཔལ་དེའི་ཕྱིར་བརྗོད་པར་བྱའོ།། གཟུངས་འདི་བརྗོད་པའི་གང་ཟག་ནི་སེམས་ཅན་དམྱལ་བ་དང་། ཡི་དགས་དང་།
102b2 དུད་འགྲོ་ལ་སོགས་པའི་གནས་སུ་ནམ་ཡང་སྐྱེ་བར་མི་འགྱུར་རོ།། ཡུལ་མཐའ་འཁོབ་དང་། ཀླ་ཀློ་དང་། དབང་པོ་མ་ཚང་བ་ལ་སོགས་པར་ནམ་ཡང་སྐྱེ་བར་མི་འགྱུར་རོ།། རིམས་དང་། འབྲུམ
102b3 བུ་དང་། ནད་འགོ་བ་ལ་སོགས་པའི་ནད་ཀྱིས་འཇིགས་པ་ཐམས་ཅད་ལས་གྲོལ་ཞིང་ནད་ཀྱིས་འཇིགས་པ་མི་འབྱུང་ངོ་།། འཇིགས་པ་ཆེན་པོ་བརྒྱད་ལ་སོགས་པ་ལས་གྲོལ་བར་འགྱུར་རོ།། །
102b4 འཇམ་དཔལ་དུས་གསུམ་གྱི་སངས་རྒྱས་ཐམས་ཅད་ཀྱིས་བསྟོད་པ་འདི་འཛིན་པའི་གང་ཟག་དེ་ནི་དུས་གསུམ་གྱི་སངས་རྒྱས་ཐམས་ཅད་ལ་མཆོད་པ་བྱས་པར་འགྱུར་རོ།། འདི་འཛིན་པའི
102b5 གང་ཟག་དེ་ནི་མཚམས་མེད་པ་ལ་སོགས་པའི་སྡིག་པ་མ་ལུས་པ་བྱང་བར་འགྱུར་རོ། ། སངས་རྒྱས་ཐམས་ཅད་མཐོང་བར་འགྱུར་རོ།། དུས་མ་ཡིན་པའི་འཆི་བ་མི་འབྱུང་ཞིང་ནམ་འཆི
102b6 བའི་ཚེ་དུས་གསུམ་གྱི་སངས་རྒྱས་ཐམས་ཅད་སྐྱེད་པའི་ཡུམ་སྒྲོལ་མ་མཐོང་བར་འགྱུར་རོ། ། འདི་འཛིན་པའི་གང་ཟག་དེ་ནི་ཡིད་ལ་ཅི་བསམ་པ་ཐམས་ཅད་འགྲུབ་པར་འགྱུར་རོ།། གཟུགས
102b7 ཕུན་སུམ་ཚོགས་པ་དང་། ཁ་དོག་ཕུན་སུམ་ཚོགས་པ་ལ་སོགས་པ་ཐམས་ཅད་འཐོབ་པར་འགྱུར་རོ།། རྨི་ལམ་ངན་པ་དང་། སྡང་བ་དང་། མི་མ་ཡིན་པའི་བར་དུ་གཅོད་པ་ཐམས་ཅད་ཞི
iiif viewer powered by OpenSeadragon
