| e-texts navigator |
| Wylie |
100b1 སྐྱེད་པའི་ཡུམ་ལ་མཆོད་པར་བགྱི། ། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། དེ་བཞིན་གཤེགས་པའི་ཡུམ་མཆོག་རིན་པོ་ཆེ།། རིན་ཆེན་མར་མེ་འཕྲེང་བའི་བྱེ་བྲག་རྣམས།།
100b2 རྒྱལ་བསྐྱེད་པའི་ཡུམ་ལ་མཆོད་པར་བགྱི།། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། དེ་བཞིན་གཤེགས་པའི་ཡུམ་མཆོག་ན་བཟའ་དཀར།། དྲི་ཞིམ་ཆུ་གཙང་སྤོས
100b3 ངད་ལྡན་པའི་ཆུ། ། རྒྱལ་བ་སྐྱེད་པའི་ཡུམ་ལ་མཆོད་པར་བགྱི།། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། རྒྱལ་བ་སྐྱེད་པའི་ཡུམ་མཆོག་འཕྲིན་ལས་ལྡན།།
100b4 བཟའ་དང་བཅའ་བ་ལ་སོགས་ཞལ་ཟས་རྣམས།། རྒྱལ་བ་སྐྱེད་པའི་ཡུམ་ལ་མཆོད་པར་བགྱི།། སྡུག་བསྔལ་ཐམས་ཅད་ཞི་བར་མཛད་པ་ཡི།། ཀླུ་དང་རོལ་མོ་སེལ་སྙན་བཅས་པའི་སྒྲ།།
100b5 གདུགས་དང་རྒྱལ་མཚན་བ་དན་འཕན་གདུགས་བཅས།། ཕྱོགས་བཅུ་ཀུན་ནས་སྤྲིན་བཞིན་གཏིབས་གྱུར་ཅིག། དཔག་བསམ་གྱི་ནི་ཤིང་དག་དང་།། ལྗོན་པའི་ཤིང་དང་ཤིང་དག་གིས།།
100b6 དྲི་ཞིམ་ལོ་འདབ་བཅས་པའི་ཤིང་།། ཕྱོགས་བཅུ་ཀུན་ནས་གཏིབས་གྱུར་ཅིག། སྤོས་ཀྱི་ངད་དང་ལྡན་པའི་ཆར།། འབྲུ་དང་མེ་ཏོག་ལ་སོགས་པའི།། ཡིད་དུ་འོང་བའི་དྲི་ཞིམ་ཆར།། ངེས་པར
100b7 ཀུན་ཏུ་འབབ་པར་ཤོག། འབབ་ཆུ་སྟེང་ཀ་ལུ་མ་དང་།། མཚོ་དང་རྫིང་བུ་དག་དང་ནི།། རོ་བརྒྱ་དག་དང་ལྡན་པའི་མཚོ།། ངང་པ་ལ་སོགས་བཅས་པ་ཡི།། རིན་ཆེན་ཁང་པ་ཡིད་འོང་བའི།།
iiif viewer powered by OpenSeadragon
