| e-texts navigator |
| Wylie |
94a1 བཏུང་བ་རྣམས་ཀྱིས་ཚིམ་པར་བྱས་པར་འགྱུར་རོ། ། བྲམ་ཟེའི་དྲང་སྲོང་དེ་དག་ཀྱང་དབང་པོ་ཚིམ་པར་འགྱུར་ཏེ། དེ་དག་ཐམས་ཅད་ཀྱིས་ཨོཾ་བདེ་ལེགས་སུ་གྱུར་ཅིག་ཅེས་བྱ་བའི་སྒྲ་འབྱིན་པར་བྱེད
94a2 ལ། སེམས་ཅན་དེ་དག་ཀྱང་བསམ་པ་ཡོངས་སུ་དག་པར་འགྱུར་ཏེ། བྲམ་ཟེའི་གཟི་བརྗིད་དང་ལྡན་པར་འགྱུར་རོ།། རྟག་ཏུ་ཚངས་པར་སྤྱོད་པར་ཡང་འགྱུར་ཏེ། དེ་བཞིན་གཤེགས་པ་གངྒཱའི་ཀླུང་གི་བྱེ་མ་ཁྲག་ཁྲིག་འབུམ་གྱི
94a3 བྱེམ་སྙེད་དག་གི་དགེ་བའི་རྩ་བ་དང་ལྡན་པར་ཡང་འགྱུར་རོ། ། རྟག་ཏུ་དགྲ་ཐམས་ཅད་ཤིགས་པར་འགྱུར་རོ།། མེ་ཏོག་གམ། བདུག་པའམ། སྤྲོས་སམ། ཟས་སམ། སྐོམ་གྱི་ཡོ་བྱད་ལ་ལན་ཉི་ཤུ་རྩ་གཅིག་བཟླས
94a4 བརྗོད་བྱས་ལ། སངས་རྒྱས་དང་། ཆོས་དང་། དགེ་འདུན་ལ་དབུལ་བར་བྱའོ།། དེ་ལྟར་བྱས་ན་རིགས་ཀྱི་བུའམ། རིགས་ཀྱི་བུ་མོ་འམ། དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་དེས་ཕྱོག
94a5 བཅུའི་དེ་བཞིན་གཤེགས་པ་ཐམས་ཅད་ཀྱི་སངས་རྒྱས་ཀྱི་ཞིང་གི་སངས་རྒྱས་དང་། ཆོས་དང་། དགེ་འདུན་ལ་ལྷའི་མཆོད་པ་དང་། དེ་བཞིན་གཤེགས་པའི་མཆོད་པའི་མཆོག་གིས་མཆོད་པ་བྱས་པར་འགྱུར་རོ།། བླ་མར
94a6 བྱས། རིམ་གྲོར་བྱས་པར་འགྱུར་རོ།། དེ་བཞིན་གཤེགས་པ་ཐམས་ཅད་ཀྱིས་དགོངས་ཤིང་ལུང་བསྟན་པ་དང་། ལྷ་ཐམས་ཅད་ཀྱིས་ཀུན་ཏུ་སྲུང་བར་ཡང་འགྱུར་རོ།། ཀུན་དགའ་བོ་སོང་ལ་ངོ་ལོན་ཡང་གྱིས་ཤིག། སེམས་ཅན
94a7 ཐམས་ཅད་ལ་ཡང་དག་པར་སྟོན་ཅིག། དགེ་བའི་རྩ་བའི་ཚོགས་ཐམས་ཅད་ཀྱང་གྱིས་ཤིག་ཅེས་ང་སྨྲའོ།། ཡི་དགས་མོ་ཁ་འབར་མ་དབུགས་དབྱུང་བའི་གཏོར་མའི་ཆོ་ག་རྫོགས་སོ།།
iiif viewer powered by OpenSeadragon
