| e-texts navigator |
| Wylie |
93b1 ། ཨ་བ་ལོ་ཀི་ཏེ། ཨོཾ་སཾ་བྷ་ར་སཾ་བྷ་ར་ཧཱུཾ། ཀུན་དགའ་བོ་འདིས་ཡི་དགས་ཀྱི་གཏོར་མ་ལ་ལན་བདུན་བཟླས་བརྗོད་བྱས་ནས། ལག་པ་བརྐྱང་སྟེ་སྒོ་དྲུང་དུ་སྦྱིན་པར་བྱའོ།། སེ་གོལ་ཡང་བརྡབ་པར་བྱའོ།། དེ་ལྟར་བྱས་ན་བྱིན་མ་ཐག
93b2 ཏུ་ཕྱོགས་བཞིའི་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག་ཕྲག་འབུམ་ཕྲག་གི་བྱེ་མ་སྙེད་དག་ཚིམ་པར་བྱས་པར་འགྱུར་ཏེ། ཡི་དགས་རེ་རེ་ལའང་ཡུལ་མ་ག་དྷའི་བྲེ་བོ་བདུན་བདུན་བྱིན་པར་འགྱུར་རོ།། དེ་དག་ཀྱང་ཟོས་པ་ཙམ
93b3 གྱིས་ཡི་དགས་ཀྱི་འཇིག་རྟེན་ནས་ཤིའི་ཕོས་ནས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། ། ཀུན་དགའ་བོ་ཁྱོད་ཀྱིས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་རྟག་ཏུ་རྒྱུན་མི་འཆད་པར
93b4 ཁོར་ཟུག་ཏུ་བསྙད་པར་བྱའོ། ། དེ་ལྟར་བྱས་ན་བསོད་ནམས་ཀྱི་ཕུང་པོ་དང་ལྡན་པར་འགྱུར་ཏེ་ཚེའང་རིང་བར་འགྱུར་རོ།། དེ་བཞིན་གཤེགས་པ་བྱེ་བ་ཕྲག་འབུམ་གྱི་བསོད་ནམས་ཀྱི་ཕུང་པོ་དང་ལྡན་པར་འགྱུར་རོ།། རྟག་ཏུ་མི
93b5 མ་ཡིན་པ་རྒྱུ་བ་འབྱུང་པོ་དང་། ཤ་ཟ་དང་། གྲུལ་བུམ་ལ་སོགས་པ་དང་། གནོད་སྦྱིན་དང་། སྲིན་པོ་དང་། གདོན་དང་། ཡི་དགས་རྣམས་ཀྱིས་མི་མཐོང་བར་འགྱུར་རོ།། སྟོབས་དང་བརྩོན་འགྲུས་དང་ཡང་ལྡན
93b6 པར་འགྱུར་རོ། ། གཟུགས་དང་ལྡན་པ་དང་། གཟི་བརྗིད་དང་ལྡན་པ་དང་། དྲན་པ་དང་ལྡན་པར་ཡང་འགྱུར་རོ།། བྲམ་ཟེའི་དྲང་སྲོང་ཚིམ་པར་བྱེད་པ་འདོད་པ་དེས་ནི། མཆོད་ཡོན་དང་། དབུལ་བར་བྱ་བ་དང
93b7 སྣོད་བཀང་བ་ལ་ལན་བདུན་བཟླས་བརྗོད་བྱས་ལ། འབབ་ཆུག་ལ་ཡོད་པའི་གནས་དེར་སྦྱིན་པར་བྱའོ།། དེ་ལྟར་བྱས་ན་བྲམ་ཟེའི་དྲང་སྲོང་གངྒཱའི་ཀླུང་གི་བྱེ་མ་ཁྲག་ཁྲིག་འབུམ་ཕྲག་དུ་མའི་བྱེ་མ་སྙེད་དག་ལྷའི་བཟའ་བ་དང
iiif viewer powered by OpenSeadragon
