| e-texts navigator |
| Wylie |
91a1 ནས་བརྗོད་པའི་བྱིན་གྱི་རླབས་ཀྱིས། ཡི་དགས་མང་པོ་བྱད་གཟུགས་མི་སྡུག་པ་བཅོམ་ཞིང་གཟུགས་དང་མཚན་ཕུན་སུམ་ཚོགས་པར་འགྱུར་རོ།། དེ་བཞིན་གཤེགས་པ་སྐུ་འཇམ་ཀླས་ལ་ཕྱག་འཚལ
91a2 ལོ། ། དེ་བཞིན་གཤེགས་པ་སྐུ་འཇམ་ཀླས་ཀྱི་མཚན་ནས་བརྗོད་པའི་བྱིན་གྱི་རླབས་ཀྱིས། ཡི་དགས་མང་པོའི་སྐོམ་པ་སྤངས་ཤིང་ཚིམ་པར་འགྱུར་ཏེ། སྦྱིན་པའི་གནས་ཡིད་བཞིན་དུ་ཟ་བ་དང་ཆོག་ཅིང་འགྲངས་པར
91a3 འགྱུར་རོ། ། དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ།། དེ་བཞིན་གཤེགས་པ་འཇིགས་པ་དང་བྲལ་བའི་མཚན་ནས་བརྗོད་པའི་བྱིན་གྱིས་རླབས་ཀྱིས། ཡི་དགས་མང་པོའི་འཇིགས་པ་ཐམས་ཅད
91a4 དང་བྲལ་ཏེ་ཡི་དགས་ཀྱི་ཁམས་ཞི་བར་འགྱུར་རོ། ། བཅོམ་ལྡན་འདས་ཀྱིས།། དགའ་བོ་ལ་བཀའ་སྩལ་པ། རིགས་ཀྱི་བུ་ལ་སོགས་པས་དེ་བཞིན་གཤེགས་པའི་མཚན་ནས་བརྗོད་དེ་བྱིན་གྱིས་བརླབས་པའི་འོག་ཏུ་ས
91a5 གོལ་ལན་གསུམ་བྱས་ཏེ། གཏོར་མའི་སྣོད་བླངས་ནས་ལག་པ་བརྐྱང་སྟེ་ས་གཙང་མར་བླུགས་པར་བྱའོ།། དེ་ལྟར་གཏོར་མ་བྱིན་པར་བྱས་ན། ཕྱོགས་བཞི་ནས་ལྷགས་པའི་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ
91a6 སྟོང་སྙེད་སོ་སོ་ནས་ཡུལ་དབུས་འགྱུར་ཚལ་གྱི་བྲེ་ཚད་མས་བཅལ་བའི་བྲེ་བདུན་བདུན་ཐོབ་པར་འགྱུར་རོ། ། ཁ་ཟས་དེ་དག་ཡི་དགས་ཀྱི་ཡིད་བཞིན་དུ་ཟ་བ་དང་། ཆོ་ག་འགྲངས་པ་དང་། ཡི་དགས་ཀྱི་ཁམས་སྤོང་བ་དང་།
91a7 མཐོ་རིས་ཀྱི་ལྷར་སྐྱེ་བར་འགྱུར་རོ།། དགའ་བོ་གལ་ཏེ་དགེ་སློང་པའམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ཞིག་རྟག་ཏུ་གཟུངས་འདིས་ཁ་ཟས་ལ་བསྔགས་ཏེ་ཡི་དགསལ་སྦྱིན་པ་བྱིན་ན
iiif viewer powered by OpenSeadragon
