| e-texts navigator |
| Wylie |
89b1 དུས་བྱས་ཏེ། ཡི་དགས་ཀྱི་ཁམས་སུ་སྐྱེ་བར་འགྱུར་རོ་ཞེས་སྨྲས་སོ།། དགའ་བོས་དེས་སྨྲས་པ་ཐོས་ནས་ཤིན་ཏུ་འཇིགས་སྐྲག་སྟེ། ཡི་དགས་དེ་ལ་འདི་སྐད་ཅེས་སྨྲས་སོ།། བདག་ཚེའི་དུས་བྱས་ནས་ཡི་དགས་ཀྱི་ཁམས་སུ
89b2 སྐྱེ་བར་འགྱུར་བ་འདི་ཐབས་ཅི་བྱས་ན་སྡུག་བསྔལ་དེ་ལས་ཡོངས་སུ་ཐར་པར་འགྱུར། དེ་ནས་ཡི་དགས་དེས། དགའ་བོ་ལ་འདི་སྐད་ཅེས་སྨྲས་སོ།། གལ་ཏེ་ཁྱོད་ཀྱིས་སང་གི་ཉི་མ་ལ་ཡི་དགས་གངྒཱའི་ཀླུང་གི་བྱེ་མ་ཁྲག་ཁྲིག
89b3 བརྒྱ་སྟོང་སྙེད་ལ་གཏོར་མ་བྱིན་ཏེ། བྲམ་ཟེ་དང་དྲང་སྲོང་བརྒྱ་སྟོང་སྙེད་ལ་ཡུལ་དབུས་འགྱུར་ཚལ་གྱི་བྲེ་ཚད་མ་རེ་རེའི་ཞལ་ཟས་མཆོག་དམ་པ་ཕུལ་ཏེ། ཁོ་བོའི་ཕྱིར་དཀོན་མཆོག་གསུམ་ལ་མཆོད་པ་བྱས་ན། ཚེ་རིང་ཞིང་ཡི
89b4 དགས་ཀྱི་སྡུག་བསྔལ་དང་བྲལ་ཏེ་མཐོ་རིས་ཀྱི་ལྷར་སྐྱེ་བར་འགྱུར་རོ། ། དེའི་ཚེ་དགའ་བོས་ཡི་དགས་ཁ་ནས་མེ་འབར་བ་ལུས་མི་སྡུག་པ་དང་། ཤན་ཏུ་རིད་ཅིང་སྐེམ་པ་དང་། ཁ་ནས་མེ་འབར་བ་དང་། མགྲིན་པ་མོ་ཁབ
89b5 ཙམ་ལ་སྒྲ་འཛིངས་པ་དང་། སེན་མོ་དང་མཆེ་བ་རིང་ཞིང་རྣོ་བའང་མཐོང་ལ་ཡིད་དུ་མི་འོང་། མི་འདོད་པའི་ཚིག་ཀྱང་ཐོས་ནས་ལུས་སྐྱི་བུང་ཞེས་བྱེད་པ་ཙམ་དུ་འཇིགས་སྐྲག་ནས་འདུག་པ་ལས་ལངས་ཏེ། མྱུར་བར་བཅོམ
89b6 ལྡན་འདས་ག་ལ་བ་དེར་སོང་ངོ་། ། བཅོམ་ལྡན་འདས་ཀྱི་སྤྱན་སྔར་ཕྱིན་ནས་ལུས་སྨད་ལྟས་ལ་གཏུགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས། ལུས་འདར་བཞིན་དུ་སྡུག་བསྔལ་གྱིས་གདུངས
89b7 པའི་དཔུང་གཉེན་མཛད་དུ་གསོལ་ཞེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་པས་མཐའ་ཞིག་ན་ཆོས་ཡིད་ལ་བགྱིད་ཅིང་མཆིས་པ་ལས། ཡི་དགས་ཁ་ནས་མེ་འབར་བ་ཞེས་བགྱི་བ་དེས
iiif viewer powered by OpenSeadragon
