| e-texts navigator |
| Wylie |
89a1 ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། གསང་སྔགས་དང་། རིག་སྔགས་དང་། ཕྱག་རྒྱ་དང་། ཏིང་ངེ་འཛིན་གྱི་བདེན་པའི་བྱིན་གྱི་རླབས་ཀྱིས་ཕ་རོལ་ཏུ་ཕྱིན་པ་ལ་སོགས་ཏེ་ཆོས་ཀྱི
89a2 སྦྱིན་པ་དང་། བདག་གི་ཟང་ཟིང་གི་སྦྱིན་པ་འདི་བདེ་བ་དང་དགའ་བར་གྱུར་ཅིག། བཅོམ་ལྡན་འདས་ཀྱིས་ལེགས་སོ་ཞེས་བྱ་བ་བྱིན་ཏེ། ཁྱིམ་བདག་བཟང་སྐྱོང་ལེགས་སོ།། དཀའ་བའི་སྤྱོད་པ་འདི་ལྟ་བུ་བྱེད་པ་ལེགས་སོ།།
89a3 ངའི་འཁོར་ལྷ་དང་མི་རྣམས་ཀྱིས་ཀྱང་འདི་ལྟར་མཆོད་པར་བྱའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དང་། ཁྱིམ་བདག་བཟང་སྐྱོང་རྗེས་སུ་ཡི་རངས་ཏེ། བཅོམ་ལྡན
89a4 འདས་ཀྱིས་གསུངས་པ་ལ་མངོན་པར་བསྟོད་དེ་དགའ་བར་གྱུར་ཏོ། ། བདུད་རྩི་འབྱུང་བ་ཞེས་བྱ་བའི་གཟུངས་རྫོགས་སོ།། ། ཡི་དགས་ཁ་ནས་མེ་འབར་བ་ལ་སྐྱབས
89a5 མཛད་པའི་གཟུངས། དེའི་ཚེ་བཅོམ་ལྡན་འདས་ཡུལ་སེར་སྐྱ་ན། དགེ་འདུན་གྱི་གནས་ན་དགེ་སློང་གི་དགེ་འདུན་དང་། བྱང་ཆུབ་སེམས་དཔའ་གྲངས་མེད་པས་ཡོངས་སུ་བསྐོར་བ་ལ་ཆོས་སྟོན་ཏོ།། དེའི་ཚེ་ན་ཚེ་དང་ལྡན་པ་དགའ
89a6 བོ་བས་མཐའ་ཞིག་ན་ཆོས་ཡིད་ལ་བྱེད་ཅིང་དྲན་པ་མངོན་དུ་བཞག་ནས་འདུག་པ་ལས། དེའི་ནུབ་མོ་ནམ་གྱི་ཆ་སྨད་ལ་ཡི་དགས་ཁ་ནས་མེ་འབར་བ་ཞེས་བྱ་བ། གཟུགས་བྱེད་མི་སྡུག་པ། ཤིན་ཏུ་རིད་ཅིང་སྐེམ་པ། ཁ་ནས་མེ
89a7 འབར་བ། མགྲིན་པ་མོ་ཁབ་ཙམ་དུ་ཕྲ་བ། སྒྲ་འཛིངས་པ། སེན་མོ་དང་མཆེ་བ་རིང་ལ་རྣོ་བ་ཤིན་ཏུ་འཇིགས་སུ་རུང་བ་ཞིག་དགའ་བོའི་དྲུང་དུ་འོངས་ནས། དགའ་བོ་ལ་འདི་སྐད་ཅེས་སྨྲས་སོ།། ཁྱོད་དེ་སྟེ་ཞག་བདུན་ན་ཚེའི
iiif viewer powered by OpenSeadragon
