| e-texts navigator |
| Wylie |
311b1 དང་། འཁོར་མང་པོ་ཐམས་ཅད་ཀྱིས་མཐུན་པར་སྐྱེས་བུ་ཆེན་པོ་ལེགས་སོ་ལེགས་སོ།། སེམས་ཅན་ཐམས་ཅད་ལ་ཕན་པར་འདོད་པའི་ཕྱིར་རིག་སྔགས་འདི་སྨྲས་པས་བདག་ཅག་ཀྱང་རྗེས་སུ་ཡི་རང
311b2 ནིཞིང་ཡོངས་སུ་འཛིན་པར་སྨོན་ཏོ་ཞེས་བསྔགས་པ་བརྗོད་པར་གྱུར་ཏོ། ། དེ་ནས་འཁོར་མང་པོ་ཐམས་ཅད་དགྲབ་མགུ་ཡི་རངས་པར་གྱུར་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས
311b3 ཕྱག་བྱས་ཏེ་གྱེས་པར་གྱུར་ཏོ། འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པ་ཞེས་བྱ་བའི་གཟུངས་རྫོགས་སོ།། ། ཞུ་ཆེན་གྱི་ལོ་ཙ་བ་བཅོམ་ལྡན་འདས་ཀྱི་རིང
311b4 ལུགས་པ་བན་དྷེ་ཆོས་གྲུབ་ཀྱིས་རྒྱའི་དཔེ་ལས་བསྒྱུར་ཅིང་ཞུས་ཏེ་གཏན་ལ་ཕབ་པ། ། ། བྱང་ཆུབ་སེམས་དཔའ་འཕགས་པ་སྤྱན་རས་གཟིགས
311b5 དབང་ཕྱུག་ལག་པ་སྟོང་དང་མིག་སྟོང་དང་ལྡན་པའི་ཆོ་ག་ཞིབ་མོ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
311b6 ཤཱཀྱ་ཐུབ་པ་རི་གྲུ་འཛིན་ན། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་གནས་ན་རིན་པོ་ཆེ་བཀོད་པའི་འཁོར་གྱི་ཁྱམས་ན་བཞུགས་ཤིང་། བཅོམ་ལྡན་འདས་རིན་པོ་ཆེའི་སྲང
311b7 གེའི་ཁྲི་ལ་བཞུགས་ཏེ། ཁྲི་དེ་ནི་རིན་པོ་ཆེའི་མཆོག་སྣ་ཚོགས་རློ་མས་སྤྲས་པ། རིན་པོ་ཆེ་སྣ་བདུན་གྱི་རྒྱལ་མཚན་རྣམས་ཀྱིས་ཡོངས་སུ་བརྩེགས་པ། ལྷའི་བ་དན་སྦྱངས་པ་སྟེ། དེའི
iiif viewer powered by OpenSeadragon
