| e-texts navigator |
| Wylie |
310a1 དགྲའི་དམག་ཚོགས་རྣམས་དྲུང་དུ་མཆི་བར་མི་འགྱུར་ལགས་སོ། ། གཞན་ཡང་གལ་ཏེ་ཡུལ་ཕྱོགས་སུ་མི་དང་ཕྱུགས་ལ་རིམས་ནད་བྱུང་བར་གྱུར་ན། གཟུགས་བགྱིས་པ་དེའི
310a2 མདུན་དུ་ཤིང་ཤུག་པའི་ཞུགས་བུས་ལ། གཞན་ཡང་ཤིང་དེ་བླངས་ནས་དུམ་བུ་སྟོང་རྩ་བརྒྱད་དུ་གཏུབས་ཏེ། དུམ་བུ་གཅིག་བླངས་ནས་ཡུངས་འབྲུའི་མར་གྱིས་བསྐུས་ཏེ། སྔགས་ལན་རེ་བཟླས་ནས
310a3 ཞུགས་ཀྱི་ནང་དུ་དོར་བར་བགྱི་ཞིང་ཐམས་ཅད་བས་པའི་བར་དུ་བགྱིའོ། ། གཞན་ཡང་སྐུད་པ་དམར་པོ་ལ་ཐག་མདུད་པ་བདུན་མདུད་དེ། མདུད་པ་ལན་རེ་མདུད་ཅིང་སྔགས་ལན་རེ་བཟླས་ནས་ནང་གི་གོང
310a4 ནམཆིས་པའི་གདོང་གི་སྤྱི་བོ་ལ་བཏགས་ན་རིམས་ནད་ཐམས་ཅད་རབ་ཏུ་ཞི་བར་འགྱུར་ཏེ། རིམས་ནད་ཞི་ནས་སྔགས་ཐག་ཀྱང་འགྲོལ་བར་འགྱུར་ལགས་སོ།། གཞན་ཡང་གློ་བུར་དུ་མཁའ་འགྲོ་མ
310a5 ན་གདང་འབྱུང་པོ་ལ་སོགས་པའི་གདོན་གྱིས་ཟིན་ཏེ་བྲོ་འཚལ་བར་གྱུར་ན་སྐུད་པ་དཀར་པོ་ལ་སྔགས་མདུང་ཉི་ཤུ་རྩ་གཅིག་མདུང་དེ་སྔགས་ལན་རེ་བཟླས་ཤིང་མདུད་པ་རེ་རེ་མདུད་ནས་མདུན་གྱི་བྱམས་པ་དང་སྙིང་རྗེ་དང་ལྡན
310a6 པའི་གདོང་གི་སྤྱི་བོ་ལ་བཏགས་ནས་ཞག་ལོན་ཏེ་སླར་བཀྲོལ་ལ་ནད་པའི་མགུལ་དུ་བཏགས་ན་བྲོ་ནད་སོས་པར་འགྱུར་ལགས་སོ། ། གལ་ཏེ་ལས་ཀྱི་སྒྲིབ་པ་ལྕི་བ་ཞིག་ལགས་ཏེ་སོས་པར་མ་གྱུར་ན་སྔགས་ཐག་དེ
310a7 བླངས་ནས་ཡང་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། སྔ་མའི་གཟུགས་ཀྱི་སྤྱི་བོ་ལ་བཏགས་ནས་ཞག་ལོན་ཏེ་སླར་བཀྲོལ་ལ་ནད་པའི་མགུལ་དུ་བཏགས་ན་ངེས་པར་འཚོ་བར་འགྱུར་བ་ལགས་སོ།།
iiif viewer powered by OpenSeadragon
