| e-texts navigator |
| Wylie |
302b1 བཅུ་གང་ཞེ་ན། རྟག་པར་ལུས་ལ་བྲོ་ནད་མ་མཆིས་པར་འགྱུར་བ་དང་། རྟག་པར་ཕྱོགས་བཅུའི་སངས་རྒྱས་རྣམས་ཀྱིས་ཡོངས་སུ་གཟུང་བར་འགྱུར་བ་དང་། ནོར་དང་། རིན་པོ་ཆེ་དང་།
302b2 གོས་དང་། ཟས་པས་པ་མ་མཆིས་པ་དག་ལ་ལོངས་སྤྱོད་པར་འགྱུར་བ་དང་། དགྲ་ཐམས་ཅད་ཐུལ་ཞིང་འཇིགས་པ་མ་མཆིས་པར་འགྱུར་བ་དང་། ཡ་རབས་བཙུན་པ་རྣམས་ཀྱིས་བཀུར་ཞིང་གསོད
302b3 པོར་སྨྲ་བར་འགྱུར་བ་དང་། དུག་དང་འདྲེ་གདོན་གྱིས་མི་ཚུགས་ཤིང་གནོད་པ་བགྱིད་པར་མི་འགྱུར་བ་དང་། མཚོན་ཆ་དང་དབྱིག་པ་ཐམས་ཅད་ཀྱིས་གནོད་པ་བགྱིད་པར་མི་འགྱུར་པ་དང་། ཆབ་ཀྱིས།
302b4 འགུམ་པའི་དུས་བགྱིད་པར་མི་འགྱུར་བ་དང་། ཞུགས་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། དུས་མ་ལགས་པར་འགུམ་པའི་དུས་བགྱིད་པར་མི་འགྱུར་བ་དག་ལགས་སོ།། གཞན་ཡང
302b5 ཡོན་ཏན་གྱི་སྨན་ཡོན་རྣམ་པ་བཞི་ཐོབ་པར་འགྱུར་ཏེ། འགུམ་པའི་དུས་ཀྱི་ཚེ་སངས་རྒྱས་རྣམས་མཐོང་བར་འགྱུར་བ་དང་། ནམས་ཀྱང་ངན་འགྲོ་རྣམས་སུ་ལྷུང་བར་མི་འགྱུར་བ་དང་། ཡང་བ་མ་སྤངས
302b6 པས་འགུམ་པའི་དུས་བགྱིད་པར་མི་འགྱུར་བ་དང་། འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་བ་དག་ལགས་སོ།། བཅོམ་ལྡན་འདས་བདག་གིས་མངོན་པར་དྲན་ལགས་ཏེ། འདི་ནས་བསྐལ
302b7 པ་གངྒཱའི་ཀླུང་བཅུའི་བྱེ་མ་སྙེད་དག་གི་སྔ་རོལ་དག་གི་ཡང་ཆེས་སྔ་རོལ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མན་ད་ར་བའི་བསུང་ཞེས་བགྱི་བ་འཇིག་རྟེན་དུ་བྱུང་སྟེ། དེའི་ཚེ་བདག་ཁྱིམ་བདག་ཆེན་པོ་ཞིག་ཏུ་གྱུར་པས་སངས་རྒྱས་དེ་ལ་རིག་སྔགས་འདི་མནོས་ལགས་ཏེ།
iiif viewer powered by OpenSeadragon
