| e-texts navigator |
| Wylie |
301b1 བ་ཐམས་ཅད་བཟློག་པ་དང་། ངན་སེམས་ཅན་རྣམས་གདུལ་ཞིང་དང་བ་ཐོབ་པར་བགྱི་བ་དང་། མྱ་ངན་གྱི་སྡུག་བསྔལ་དང་ལྡན་པ་དག་བདེ་བ་ཐོབ་པར་བགྱི་བ་དང་། ཁོན་དང་བཅས་པ་རྣམས་འདུན་པར
301b2 བགྱི་བ་དང་། བདུད་དང་གདོན་བགེགས་རྣམས་ཞི་བར་བགྱི་བ་དང་། སེམས་ཀྱི་སྨོན་པ་རྣམས་མངོན་པར་བསྒྲུབ་པར་བགྱི་བའི་སླད་དུ་བཤད་པར་བགྱིའོ།། བཅོམ་ལྡན་འདས་བདག་གིས་ནི་འཇིག
301b3 རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པ་ལ་སོགས་པ་གང་གིས་ཀྱང་རིག་སྔགས་འདིས་བསྲུང་བར་བགྱིས་པ་དང་། འདི་ལེན
301b4 པ་དང་། འཛིན་པ་དང་། ཀློག་པ་དང་། བདོན་པ་དང་། ཡི་གེར་བྲིས་ནས་སྤེལ་བར་བགྱིད་པ་དེ་དག་ལ་བགེགས་བགྱིད་པ་དང་། བདུད་ཀྱི་བར་ཆད་དང་། མཚོན་ཆ་དང་། དབྱིག་པ་དང་།
301b5 དུག་དང་། བྱང་སྟེམས་ཀྱིས་གནོད་པ་བགྱིད་པར་འགྱུར་བ་མ་མཆིས་ལགས་སོ།། བདག་གིས་རིག་སྔགས་འདི་གནས་པའི་ཕྱོགས་སུ་རིང་ཡང་རུང་ཉེའང་རུང་སྟེ། ཇི་ཙམ་དུ་མཚམས་བཀུམ
301b6 པ་ལས་འདས་ནས་གནོད་པ་བགྱིད་དུ་མཆི་བ་མ་མཐོང་ལགས་ཏེ། སྡིག་པའི་ལས་ངེས་པར་རྣམ་པར་སྨིན་པར་གྱུར་པ་ནི་མ་གཏོགས་ལགས་སོ།། བཅོམ་ལྡན་འདས་དེས་དངོས་པོ་འདི་ངེས
301b7 པར་དེ་ལྟ་བུ་ལགས་པར་རིག་པར་བགྱིས་ནས་མངོན་པར་ཡིད་ཆེས་པས་བླང་བར་བགྱིའོ། ། རྣམ་པར་རྟོག་པ་ནི་མི་བགྱི། དེ་ལྟར་བགྱིས་ན་གདོན་བགེགས་ཐམས་ཅད་ཐག་རིང་དུ་སྤོང་བས་ཉེ་བར
iiif viewer powered by OpenSeadragon
