| e-texts navigator |
| Wylie |
283a1 སྟེར་རོ། ། ནོར་བུ་འདི་བཅངས་པས་ཐམས་ཅད་དུ་བསྲུང་བ་བྱས་པ་ཡིན་ནོ།། དུག་དང་མེས་མི་ཚུགས་སོ།། དུག་གིས་བྱས་པའང་སྐྱེ་བར་མི་འགྱུར་རོ།། ནང་བྱུང་བའང་མི་སྐྱེ་ཞིང་མྱུར་དུ་ཞི་བར
283a2 འགྱུར་རོ། ། གཟའ་རབ་ཏུ་ཞི་བར་འགྱུར་རོ།། རླུང་དང་། སྤྲིན་དང་། ཐོག་ནི་ཆུས་རེངས་པར་བྱེད་དོ།། ཀ་ར་ཝཱི་རའི་ལྕུག་མས་ནི་ལས་ཐམས་ཅད་བྱེད་དོ།། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོ
283a3 མཆོག་ཏུ་གྲུབ་པ་འདིས་མ་བསྒྲུབས་པར་ཡང་ལས་འདི་རྣམས་བྱེད་དོ། ། དེ་ནས་སྒྲུབ་པར་འདོད་ན་ཐང་སྐུའི་ཆོ་ག་ནི་ཚེན་སྣ་མ་ལུས་པས་སངས་རྒྱས་ཀྱི་སྐུ་གཟུགས་མཉམ་པར་བྲི་བར་བྱ་སྟེ། འཕགས་པ་སྤྱན་རས
283a4 གཟིགས་དབང་ཕྱུག་རལ་པའི་ཅོད་པན་འཆང་བ། རི་དགས་ཀྱི་པགས་པས་སྨད་དཀྲིས་བྱས་ཤིང་ཕྱུགས་བདག་གི་ཆ་ལུགས་འཆང་བ་རྒྱན་ཐམས་ཅད་ཀྱིས་བརྒྱན་པ་བྱའོ།། ལྷ་བཟོ་མཁན་གསོ་སྦྱོང་དང་ལྡན་པས
283a5 རི་མོ་བྲི་བར་བྱའོ། ། དེ་ནས་སྒྲུབ་པ་པོས་སྐུ་གཟུགས་དེའི་མདུན་དུ་བ་ལང་གི་ལྕི་བས་དཀྱིལ་འཁོར་བྱས་ལ་མེ་ཏོག་དཀར་པོ་བཀྲམ་སྟེ། དྲི་ཞིམ་པོའི་ཆུས་བཀང་བའི་བུམ་པ་བརྒྱད་གཞག་པར་བྱའོ།། ཉེ་བར་སྤྱོད་པ
283a6 བརྒྱད་དང་། ཉེ་བར་མཁོ་བ་དྲུག་ཅུ་རྩ་བཞི་དང་། ཁྲག་མེད་པའི་གཏོར་མ་ཤ་དང་བཅས་པ་བྱའོ།། ཨ་ཀ་རུའི་བདུག་སྤོས་བསྲེགས་ལ་རིག་པ་སྟོང་ཕྲག་བརྒྱད་བཟླས་པར་བྱའོ།། ཉིན་ཞག་གཅིག་ཏུ་སྦྱང་བར
283a7 གནས་པའམ། དཀར་གསུམ་ཟ་ཞིང་དུས་གསུམ་དུ་ཁྲུས་བྱས་ནས་གོས་གཙང་མ་གྱོན་པར་གྱུར་པས་བཟླས་པ་བྱའོ།། དེ་ནས་སྐུ་གཟུགས་ཀྱི་མདུན་དུ་རང་ཉིད་བྲིས་པ་བལྟས་ན་དེ་མཐོང་བས་དགའ་བར་འགྱུར་རོ།།
iiif viewer powered by OpenSeadragon
