| e-texts navigator |
| Wylie |
282b1 སྐྱེགས་ཀྱི་ཆུ་འམ། སྦྲང་རྩི་འམ། ཤིང་མངར་གྱིས་བྱའོ།། རྩོད་པའི་དུས་ཐམས་ཅད་དུ་རྩོད་པ་དང་མི་སྙན་པར་བརྗོད་པ་ལ་ཆུ་ལ་ཡོངས་སུ་བཟླས་ཏེ་གདོང་བཀྲུ་བར་བྱའོ།། ཡུལ་གཞན་གྱི་རྒྱལ་པོའི་འཚེ་བ་ལ
282b2 ཡུལ་འཁོར་དུ་བུམ་པ་གང་བ་ཡང་དག་པར་བཞག་ནས་གཙང་མས་གོས་གཙང་མ་གྱོན་ཏེ་མཆོད་པ་ཆེན་པོ་བྱས་ཤིང་བཀླགས་ན་ཞི་བ་ཆེན་པོར་འགྱུར་རོ། ། དེའི་ཆུས་ཀྱང་གཏོར་བར་བྱས་ན་སེམས་ཅན་ཐམས་ཅད
282b3 སྲུང་བ་ཡིན་ནོ། ། ཉེ་བར་འཚེ་བ་ཐམས་ཅད་དང་ཡམས་རྣམས་ཞི་བ་ཡིན་ནོ།། ཕྱག་རྒྱ་ཙན་དན་གྱི་ཐིག་ལེ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་ན་མཚམས་མེད་པ་ཐམས་ཅད་ཟད་པར་བྱེད་དོ།།
282b4 རྟག་ཏུ་བཟླས་ན་ཁྱིམ་སྲུང་བའོ།། པདྨའི་སྦྱིན་སྲེག་གིས་སེམས་ཅན་ཐམས་ཅད་ཀྱི་སྲུང་བའོ།། ཙན་དན་གྱི་སྦྱིན་སྲེག་གིས་གཟའ་དང་། འབྱུང་པོ་དང་། རྒྱུ་སྐར་ཐམས་ཅད་ལས་སྲུང་བའོ།། རྒྱལ་བ་དང་།
282b5 རྣམ་པར་རྒྱལ་བ་དང་། གཞན་གྱིས་མི་ཐུབ་པ་དང་། ན་གུ་ལི་དང་། དྲིའི་ན་གུ་ལི་དང་། དྷ་ར་ནི་དང་། མི་འཇིགས་པའི་ལག་པ་དང་། དབང་པོའི་ལག་པ་དང་། དྲིའི་པྲི་ཡང་ཀུ་དང་། ཏ་ཀ་ར་དང་།
282b6 འཁོར་ལོ་དང་། འཁོར་ལོ་ཆེན་པོ་དང་། རྣམ་པར་གནོན་པ་དང་། སོ་མ་རཱ་ཛ་དང་། སུ་ནད་ད་ཞེས་བྱ་བ་སྟེ། དེ་དག་གང་ཡང་རུང་བ་ལ་བརྒྱ་རྩ་བརྒྱད་ཀྱི་བར་དུ་ཡོངས་སུ་བཟླས་ནས་ནོར་བུ་ལྟ་བུར་བྱས
282b7 ནས་མགོ་བོ་དང་དཔུང་པ་ལ་བཅིང་བར་བྱའོ། ། བྱིས་པ་རྣམས་ཀྱི་ནི་མགུལ་དུའོ།། བུད་མེད་རྣམས་ཀྱི་མདོམས་སུ་བཅངས་ན་རང་ཉིད་མཆོག་ཏུ་སྐལ་བ་དང་ལྡན་པར་བྱེད་དོ།། གཡང་མེད་པ་ཉམས་ནས་བུའང
iiif viewer powered by OpenSeadragon
