| e-texts navigator |
| Wylie |
279a1 ཡོན་ཉི་ཤུ་པོ་འདི་དག་སོ་སོར་འདོད་པར་བྱའོ། ། གཞན་ཡང་ཆོས་བརྒྱད་སོ་སོར་འཐོབ་སྟེ། བརྒྱད་པོ་གང་ཞེ་ན། འཆི་བའི་དུས་སུ་འཕགས་པ་སྤྱན་རས་གཟིགས་དབང་ཕྱུག
279a2 དགེ་སློང་གི་གཟུགས་ཀྱིས་ཞལ་ཡང་དག་པར་སྟོན་པར་འགྱུར་རོ། ། བདེ་བར་ཚེའི་དུས་བྱེད་པར་འགྱུར་རོ།། མཐོང་བ་འཁྲུལ་པ་མེད་དོ།། ལག་པ་གཡོབ་པ་མེད་དོ།། བཤང་བ་མེད་དོ།། གཅི་བ་མེད
279a3 དོ། ། རླུང་གི་རྣམ་པ་མེད་དོ།། ཤིན་ཏུ་ལེགས་པར་གནས་ཤིང་དྲན་པ་དང་ལྡན་པར་འགྱུར་རོ།། ཁ་འོག་ཏུ་བལྟས་ནས་ཚེའི་དུས་བྱེད་པར་མི་འགྱུར་རོ།། འཆི་བའི་དུས་སུ་ཉོན་མོངས་པ་མེད་པར་རབ་ཏུ
279a4 བརྗོད་པར་འགྱུར་རོ། ། སངས་རྒྱས་ཀྱི་ཞིང་གང་དང་གང་དུ་སྨོན་ལམ་བཏབ་པ་དེ་དང་དེར་སྐྱེ་བར་འགྱུར་རོ།། དགེ་བའི་བཤེས་གཉེན་དང་འབྲལ་བར་མི་འགྱུར་རོ།། ཉིན་རེ་ཞིང་དུས་གསུམ་དུ་ལན་གསུམ
279a5 བཀླག་པར་བྱའོ། ། ཆང་དང་། ཤ་དང་། བཙོང་དང་། སྒོག་སྐྱ་དང་། བདེ་བྱེད་ལ་བྱིན་པའི་ལྷག་མ་ཁྱད་པར་དུ་སྲུང་བར་འདོད་པས་དེ་རྣམས་སྤང་བར་བྱའོ།། དོན་ཡོད་ཞགས་པའི་སྙིང་པོ་ཞེས་བྱ་བའི་ཆོས་ཀྱི
279a6 རྣམ་གྲངས་འདི་སེམས་ཅན་རྣམས་ལ་ནུས་སམ་མི་ནུས་ཤེས་པར་བྱས་ལ་ཉན་དུ་གཞུག་པར་བྱའོ། ། སློབ་དཔོན་གྱིས་སེར་སྣ་མི་བྱ་སྟེ། གང་གི་ཕྱིར་ཕྲག་དོག་དང་སེར་སྣའི་དྲི་མ་སྤངས་པ་ནི་བྱང་ཆུབ་སེམས་དཔའ
279a7 ཡིན་ནོ། ། སེམས་ཅན་གྱི་དོན་གྱི་ཆེད་དུ་སངས་རྒྱས་ཀྱི་བྱང་ཆུབ་ཐོབ་པར་བྱ་བའི་ཕྱིར་བྱང་ཆུབ་སེམས་དཔའི་དགེ་འདུན་དུའང་འགྱུར་རོ།། ཤེས་རབ་ནི་བྱང་ཆུབ་ཏུ་བརྗོད་ལ་སེམས་དཔའ་ནི་ཐབས་ཏེ།
iiif viewer powered by OpenSeadragon
