| e-texts navigator |
| Wylie |
277a1 པའི་སྙིང་པོ་ཐོས་པས་བདག་གི་དགེ་བའི་རྩ་བ་བསྐྱེད་པར་འགྱུར་རོ། ། གང་ཁ་ཅིག་བཅོམ་ལྡན་འདས་སྡིག་པའི་སྐྱོན་བྱེད་པ། སྡིག་པའི་ཆོས་ཐམས་ཅད་ལ་ཡང་དག་པར་སྤྱོད་པ། འཕགས
277a2 པ་ལ་སྐུར་པ་འདེབས་པ། དམ་པའི་ཆོས་ལ་སྨོད་པ།། མནར་མེད་པ་ལ་གཞོལ་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། འཕགས་པ་ཉན་ཐོས་དང་། རང་སངས་རྒྱས་ལ་སྨོད་པ་པོ་དེ
277a3 གལ་ཏེ་འགྱོད་པར་གྱུར་ཅིང་སླན་ཆད་གཅོད་ཅིང་སྡོམ་པར་གྱུར་ན། བཅོམ་ལྡན་འདས་དེས་རེ་ཞིག་དེ་ཉིད་སྨྱུང་བར་གནས་པ་གཅིག་གིས་དེ་བཟླས་ན་དེའི་སྐྱེ་བ་འདིའི་ལས་ཡོངས་སུ་དག་ཅིང་ཡོངས་སུ་ཟད་པར
277a4 འགྱུར་རོ། ། ཕྱིར་བཟློག་པར་འགྱུར་རོ།། རིམས་ཉིན་གཅིག་པ་འམ། ཉིན་གཉིས་པ་འམ། ཉིན་གསུམ་པའམ། ཉིན་བཞི་པ་འམ། དེའི་ཕྱིར་ཁྲག་ཏུ་འཁྲུ་བ་འམ། ཚད་པ་འམ། ལག་པ་ན་བ་འམ།
277a5 རྐང་པ་ན་བ་འམ། མགོ་ན་བ་འམ། ཧ་ལ་ཧ་ལ་ཡིས་བཏབ་པ་འམ། མཛེ་འམ། རྐང་ཤུ་འམ། འབྲུམ་བུ་ཕྲ་མོ་འམ། ལྷོག་པ་འམ། འབྲས་སམ། བྱེའུ་འབྲས་སམ། གཡན་པ་འམ། མཚན
277a6 མ་རྡོལ་བ་འམ། འབྲུམ་བུ་འམ། བརྗེད་བྱེད་དམ། ཁྱབ་པར་ན་བ་འམ། གསོད་པ་འམ། འཆིང་བ་འམ། བརྡེག་པ་འམ། བསྡིགས་པ་འམ། མི་སྙན་པར་བརྗོད་པ་འམ། མདོར་བསྡུ
277a7 ན་བཅོམ་ལྡན་འདས་ལུས་ཀྱི་ན་ཚའམ། སེམས་ཀྱི་སྡུག་བསྔལ་ལམ། རྨི་ལམ་ངན་པ་མཐོང་བས་དེའི་ལས་ཡོངས་སུ་དག་ཅིང་ཟད་པར་འགྱུར་རོ།། སྔར་ཉིད་ནས་དག་པའི་སེམས་ཅན་དད་ཅིང་ལྷག
iiif viewer powered by OpenSeadragon
