| e-texts navigator |
| Wylie |
276b1 ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། གང་བཅོམ་ལྡན་འདས་ལ་དེ་ཡིས་ཐལ་མོ་སྦྱར་ཞིང་ཕྱག་འཚལ་ནས་ཞལ་འཛུམ་པར་གྱུར་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
276b2 བཅོམ་ལྡན་འདས་བདག་ལ་དོན་ཡོད་ཞགས་པའི་སྙིང་པོ་ཞེས་བྱ་བ་ཡོད་དེ། གང་སྔོན་བསྐལ་པ་དགུ་བཅུ་རྩ་གཅིག་ན་འཇིག་རྟེན་རྣམ་པར་གཟིགས་པ་ཞེས་བྱ་བའི་འཇིག་རྟེན་གྱི་ཁམས་སུ།། འཇིག་རྟེན་གྱི་དབང
276b3 པོ་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལས་བདག་གིས་བླངས་ཏེ། གང་ཡང་བདག་གི་དབང་ཕྱུག་དང་། དབང་ཕྱུག་ཆེན་པོ་གཙོར་བྱས་པའི་གནས་གཙང་མའི་རིས་ཀྱི
276b4 ལྷའི་བུ་བརྒྱ་སྟོང་མང་པོའང་འདུས་སོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་ཡོད་ཞགས་པའི་ཡེ་ཤེས་ཀྱི་གཙོ་བོའི་ཏིང་ངེ་འཛིན་བཅུ་པ་བརྒྱ་སྟོང་བདག་གིས་རབ་ཏུ་རྙེད་དོ།། གཞན་གང་གི་ཚེ་བཅོམ
276b5 ལྡན་འདྲ་ས་གཞིའི་ཕྱོགས་གཅིག་ཏུ་རབ་ཏུ་སྤྱོད་པ་ལས་རྟོགས་པར་བྱ་སྟེ། བཅོམ་ལྡན་འདས་དེའི་ཚེ་ས་ཕྱོགས་དེ་དབང་ཕྱུག་དང་།། དབང་ཕྱུག་ཆེན་པོ་དང་། ཚངས་རིས་གཙོར་བྱས་པའི་ལྷའི་བུ་སྟོང་ཕྲག
276b6 བཅུ་གཉིས་ཀྱིས་བསྲུང་བ་དང་། བསྐྱབ་པ་དང་། སྦེད་པའི་དོན་དུ་གནས་པར་འགྱུར་རོ།། གང་འདིར་དོན་ཡོད་ཞགས་པའི་སྙིང་པོ་རབ་ཏུ་སྤྱོད་ན་བཅོམ་ལྡན་འདས་སའི་ཕྱོགས་གཅིག་པུ་དེ་མཆོད་རྟེན་དུ
276b7 འགྱུར་རོ། ། སེམས་ཅན་གང་དག་དོན་ཡོད་ཞགས་པའི་སྙིང་པོ་ཉན་པ་དེ་དག་ནི་སངས་རྒྱས་མང་པོ་བྱེ་བ་ཁྲག་ཁྲིག་བརྒྱ་སྟོང་ལ་མཆོད་པར་འགྱུར་རོ།། དེ་བཅོམ་ལྡན་འདས་བྱང་ཆུབ་སེམས་དཔའ་གང་འདིར་དོན་ཡོད་ཞགས
iiif viewer powered by OpenSeadragon
