| e-texts navigator |
| Wylie |
271a1 གནས་ཏེ་རྒྱལ་པོར་གནས། ། སྤྲུལ་པའི་རྫས་ཀྱིས་བདེ་གཤེགས་མཆོད།། འདོད་ནས་ཤི་འཕོས་འཇིག་རྟེན་ཁམས།། གཞན་འདས་སངས་རྒྱས་དག་ཏུ་སྐྱེ།། འཇིག་རྟེན་འཇིག་རྟེན
271a2 འདས་པ་ཡི། ། བདག་ཉིད་ཡིད་དུ་འོད་འདོད་པས།། གུར་ཀུ་ར་ག་པུར་གླ་རྩི་དང་།། གིའུ་ཝང་བསྲེགས་ནས་སྔགས་སྟོང་བཟླས།། བརྡུངས་ཏེ་ཕྱེ་མར་བྱས་ནས་ཀྱང་།། སྔགས་སྟོང་བཟླས་ཏེ་ཆུ་གཙང་གིས།།
271a3 རིལ་བུ་རྒྱ་སྲན་ཚད་བྱས་ནས།། རེ་རེ་ལ་ཡང་སྟོང་སྟོང་བརྗོད།། རླུང་དང་ཉི་མ་མ་རེག་པར།། བསྐམས་ནས་གནོད་གཙང་གཞག་པར་བྱ།། རིལ་བུ་ཙམ་ཞིག་མུར་ན་ཡང་།། རྒྱལ་པོ་བློན་པོ་འཁོར་བཅས་ཀྱིས།
271a4 མཐོང་ན་བུ་བཞིན་གཟིགས་འགྱུར་ན།། ཐ་མལ་སྐྱེ་བོས་སྨོས་ཅི་དགོས།། ནོར་རྣམས་གཞན་གྱིས་སྟེར་བ་དང་།། བསྒོ་བ་ལ་ནི་ངག་བཙན་འགྱུར།། ག་པུར་གུ་གུལ་གིའུ་ཝང་དང་། ཙན་དན་གན་ད་བརྡ་དང་།།
271a5 གླ་རྩི་དག་སྟེ་ཆ་མཉམ་དུ།། རེ་རེ་སྔགས་སྟོང་བཟླས་ནས་སུ།། བརྡུངས་ཏེ་རིལ་བུ་བྱས་པ་དག། གཡོན་པའི་ཞལ་ལ་གདགས་པར་བྱ།། བདུན་ནས་ཉ་ཡི་བར་དུ་ནི།། སྔགས་བཟླས་པ་དང་མཆོད་པར
271a6 བྱ། ། བདུགས་པས་ནད་དང་གདོན་རྣམས་སེལ།། མིག་ལ་བྱུགས་པས་རྒྱལ་པོ་དང་།། རྒྱལ་མོ་བུ་དང་བུ་མོ་དང་།། བློན་པོ་ལ་སོགས་དབང་དུ་འགྱུར།། ཁར་བཅུག་ཙམ་གྱིས་གྲོལ་བར་འོང་།། གདམ་པ
271a7 ཐམས་ཅད་དོན་ཡོད་འགྱུར། ། སྤྱི་བོར་བཏགས་ན་བྱད་སྟེམས་དང་།། གཡུལ་ལས་ཤིན་ཏུ་རྒྱལ་བར་འགྱུར།། གལ་ཏེ་ཕྱེ་མས་བདུགས་པས་ཀྱང་།། སྡིག་པ་ཐམས་ཅད་འབྱང་འགྱུར་ཏེ།། ཀུན་གྱིས་མཐོང
iiif viewer powered by OpenSeadragon
