| e-texts navigator |
| Wylie |
269b1 དབང་ཕྱུག་གི་རྩ་བའི་རྒྱུད་ཀྱི་རྒྱལ་པོ་པདྨ་དྲ་བ་ལས། ཕྱག་རྒྱ་ལ་བརྟེན་པའི་ལེའུ་སྟེ་བཅུ་གཅིག་པའོ།། ། དེ་ནས་མཁའ་ལ་གཤེགས་པ་ཡི།། རིག་པ་འཛིན་པའི་དྲང་སྲོང
269b2 མཆོག། མཚན་དཔེ་དུ་མ་རྒྱས་པ་ཆེ།། ཉི་མའི་གོང་བུ་ཞེས་བྱ་བ།། དྲང་སྲོང་རྗེ་དཔོན་ཚོགས་ཀྱི་མཆོག། འགྲོ་དོན་རྫོགས་མཛད་ཐུགས་རྗེ་ཅན།། སྤྱན་རས་གཟིགས་དབང་མགོན་པོ་ལ།། སངས
269b3 རྒྱས་ཚིག་གིས་འདི་སྐད་གསོལ། ། ཨོཾ། འོད་ཟེར་དུ་མཐེར་ཟུག་གི། སྲིད་འདམ་སྟུག་པོ་སྐམ་བྱེད་རྒྱལ།། ཡོན་ཏན་ཡེ་ཤེས་ཀྱིས་བརྒྱན་སྐུ།། མགོན་པོ་སྤྱན་རས་གཟིགས་ཕྱག་འཚལ།།
269b4 གསུང་སྙན་ཡན་ལག་བརྗོད་བྲལ་ཆོས།། བག་ཆགས་རི་བོ་སྙིལ་མཛད་རྒྱལ།། སྐྱེ་འགག་བྲལ་སྟོན་སྡེ་སྣོད་གསུམ།། མགོན་པོ་སྤྱན་རས་གཟིགས་ཕྱག་འཚལ།། སྐྱེ་འགག་གནོད་བྲལ་མཉམ
269b5 གཞག་པ། ། ཏིང་འཛིན་ཤེས་རབ་འཕེལ་མཛད་རྒྱལ།། ཡེ་ཤེས་གཟིགས་པ་མཐའ་ཡས་ཐུགས།། མགོན་པོ་སྤྱན་རས་གཟིགས་ཕྱག་འཚལ།། སྣ་ཚོགས་སྨན་དང་སྔགས་སྦྱར་ནས།། ལྷ་ཡི
269b6 གོང་བུའི་རིལ་བུ་ནི། ། འཇིག་རྟེན་འཇིག་རྟེན་འདས་པ་ཡི།། དངོས་གྲུབ་མ་ལུས་རྫོགས་པ་ཡི།། ཐུགས་རྗེའི་ཉི་མ་ལྷམ་མཛད་པའི།། མགོན་པོ་པདྨས་བཤད་དུ་གསོལ།། འགྲོ་རྣམས་མ
269b7 རིག་འདམ་ལ་ཞེ་ན། ། སྲིད་པའི་ཐག་པས་རྒྱ་གྲམ་བཅིངས།། འདོད་ཆགས་ཞེ་སྡང་མུན་པས་གཡོགས།། ང་རྒྱལ་ཕྲག་དོག་ཆུ་བོས་གཡེངས།། ངན་རྟོག་ལོག་ལམ་གཡང་སར་ལྷུང་།། བག་མེད
iiif viewer powered by OpenSeadragon
