| e-texts navigator |
| Wylie |
258b1 ག་བུར་ཀླ་རྩི་གིའུ་ཝང་དང་།། གུར་ཀུམ་ཛཱ་ཏི་ལི་ཤི་དང་།། ཀ་ཏན་ལ་དང་སུག་སྨེལ་དང་།། ཙན་དན་དཀར་དང་པདྨ་དང་།། གསེར་གྱི་མེ་ཏོག་ཨུཏྤལ་སྔོ།། རེ་རེ་ལ་ཡང་སྔགས་སྟོང་བཟླ།། སྦྲང་རྩི་དཀར་པོ
258b2 ལྷན་ཅིག་བསྡུ། ། དཀྱིལ་འཁོར་དབུས་སུ་སྐུ་ཡི་ཞལ།། དབུ་མ་ལ་ནི་གདགས་བྱ་སྟེ།། ཚེས་གཅིག་ནས་ནི་བཅུ་བཞིའི་བར།། ཉིན་རེ་སྔགས་སྟོང་བརྗོད་པར་བྱ།། མཆོད་པས་རྒྱ་ཆེར་མཆོད་པར་བྱ།། བསྟོད
258b3 དང་གསོལ་བ་གདབ་པར་བྱ། ། དགེ་སློང་དགེ་ཚུལ་དགེ་བསྙེན་གང་།། བཅོ་ལྔའི་ཉིན་པར་ལྔ་སྟོང་བཟླ།། དེ་ནས་གཙང་མའི་གནོད་བཞག་སྟེ།། དགོས་པ་གང་དང་གང་ལ་ཡང་།། ལྷ་ནི་དེ་དང་དེ་དག་སྦྱར།། གང
258b4 ལ་བགེགས་ཀྱིས་གནོད་གྱུར་ནས། ། པདྨ་གར་གྱི་སྔགས་ཀྱིས་བདུན།། མགོ་བོའི་ནད་ཡམས་བསལ་བ་དང་།། ཧ་ལ་ཧ་ལའི་སྔགས་བཟླས་པས།། གསོ་ལ་སོགས་པ་འདུལ་བར་བྱ།། གཞན་དག་དགའ་བར
258b5 འདོད་པས་ནི། ། ཡིད་བཞིན་ནོར་བུའི་འཕྲེང་སྔགས་ཀྱིས།། མིག་གི་སྟེང་དུ་བྱུག་པར་བྱ།། རྒྱལ་པོ་རྒྱལ་མོ་ལ་སོགས་པ།། ཕོ་མོ་དབང་དུ་བྱ་འདོད་ན།། རྡོ་རྗེ་ཆོས་ཀྱི་འཕྲེང་སྔགས་ཀྱིས།། དཔྲལ་བར
258b6 ཐིག་ལེ་བྱ་བའོ། ། མཛེ་ལ་སོགས་པའི་ནད་ལ་ནི།། སེང་གེའི་སྒྲ་ཡི་འཕྲེང་སྔགས་ཀྱིས།། ལུས་ལ་རེག་པ་བདེ་བར་བྱུག། ལོང་དུ་ཞུགས་པའི་ནད་ལ་ནི།། ཧ་རི་ཆེན་པོའི་སྔགས་དང་ཆུས།། རང་གི་ཁོང་དུ་བཏུང
258b7 བར་བྱ། ། བྱད་སྟེམས་རིག་སྔགས་ཐོག་པ་ལ།། དོན་ཡོད་ཞགས་པའི་སྔགས་ཀྱིས་བདུག། དུག་ནད་སེལ་ལ་མགྲིན་སྔོན་ཏེ།། སྒྲིབ་པ་སྦྱོང་བའི་དོན་དུ་ནི།། གདོང་བཅུ་གཅིག་པ་ཉིད་ཀྱི་སྦྱར།། རྒྱལ་སྲིད
iiif viewer powered by OpenSeadragon
