| e-texts navigator |
| Wylie |
258a1 ན་ལུས་ཀྱི་ནད། ། བཞི་བརྒྱ་རྩ་བཞི་སེལ་བར་འགྱུར།། གསུམ་པས་གདོན་རྣམས་འབྲོས་པར་འགྱུར།། བཞི་པས་སྒྲིབ་པ་ཐམས་ཅད་འབྱང་།། ལྔས་ནི་རྩོད་པའི་གཡུལ་ལས
258a2 རྒྱལ། ། དྲུག་པས་རྨི་ངན་བྱང་སྟེམས་སེལ།། བདུན་པས་གློ་བུར་འཆི་བ་མེད།། བདུན་ཕྲག་གཉིས་ཀྱིས་དབང་ཕྱུག་འཐོབ།། གསུམ་གྱིས་འབྱུང་པོ་དབང་དུ་འགྱུར།། བཞི་པས་གནོད་སྦྱིན་ལྔ་པས
258a3 ཀླུ། ལྔ་པས་ལྷ་མི་སྲིན་པོ་རྣམས།། དྲུག་པས་མཁའ་ལྡིང་རི་བདུན་ལྷ།། བདུན་པས་ནག་པོ་ཆེན་པོ་འགྲུབ།། བརྒྱད་པསམ་མོ་དགུས་གཏེར་མཐོང་།། བཅུ་པས་འགྲོ་བའི་སྨན་པར་འགྱུར།། བཅུ་གཅིག
258a4 ལྷ་མིའི་ཁང་པར་ཕྱིན། ། བཅུ་གཉིས་རིག་འཛིན་དྲང་སྲོང་ཁྱིམ།། བཅུ་གསུམ་ཀླུ་ཡི་ཁང་པར་ཕྱིན།། བཅུ་བཞི་སུམ་ཅུ་གསུམ་པའི་གནས།། བཅོ་ལྔ་མཚན་མོ་ཀུན་མཐོང་སྟེ།། བཅུ་དྲུག་ཁམས་གཏེར་མཐོང་བར
258a5 ངེས། ། བཅུ་བདུན་རྡོ་རྗེས་གཞི་དང་།། རླུང་གི་དཀྱིལ་འཁོར་ཐོགས་པ་མེད།། བཅོ་བརྒྱད་པ་ནི་ཉི་ལྟར་མགྱོགས།། བཅུ་དགུས་རྒྱལ་སྲས་ཀུན་མཐོང་འགྱུར།། ཉི་ཤུས་སྤྱན་རས་གཟིགས་ཉིད་ཀྱིས།། ལུང་བསྟན་དམ
258a6 ཆོས་བཤད་པར་འགྱུར། ། ཉི་ཤུ་གཅིག་གིས་གཟུགས་ཁམས་བྱིན།། མངོན་ཤེས་ལྔ་དང་ལྡན་པར་འགྱུར།། ལོ་གཅིག་གིས་ནི་སངས་རྒྱས་ཀྱི།། ཞིང་ཁམས་དུ་མར་ཕྱིན་པ་དང་།། དམ་ཆོས་ཉན་དང་ཞིང་སྦྱོང་འགྱུར།།
258a7 མིག་སྨན་སྦྱོར་བ་བླ་མེད་འདི།། སངས་རྒྱས་མུ་སྟེགས་ཅན་ལ་གསང་།། དེ་ནས་གཞན་ཡང་བཤད་བྱ་བ།། སྣ་ཚོགས་སྨན་གྱི་སྦྱོར་བ་ཡིས།། བདག་དང་འགྲོ་བ་མ་ལུས་པའི།། འདོད་པའི་དོན་ཀུན་འགྲུབ་བྱེད་ཉོན།།
iiif viewer powered by OpenSeadragon
